| e-texts navigator |
| Wylie |
69b1 ལྔ་གང་ཞེ་ན། ཆོས་ཐམས་ཅད་གཉེན་པོ་མེད་པ། མ་སྐྱེས་པ་དང་། མ་འགགས་པ་དང་། བརྗོད་དུ་མེད་པར་མོས་པ་དང་། ལྷུན་གྱིས་གྲུབ་ཅིང་རྣམས་པར་མི་རྟོགས་པར
69b2 དེ་བཞིན་གཤེགས་པའི་སྤྱོད་པ་དང་། སྤྱོད་ལམ་དང་། བྱ་བ་དང་། འཇུག་པ་དང་། གནས་འཛམ་བུའི་གླིང་གི་རྡུལ་ཕྲ་རབ་ཀྱི་རྡུལ་ལས་ཀྱང་ཆེས་ལྷག་པ་རྣམས་སེམས་ཅན་གྱི
69b3 བསམ་པའི་དབང་གི། སྐད་ཅིག་སྐད་ཅིག་ལ་རྟག་དུ་འཇུག་པར་མོས་པ་དང་། སེང་གེ་མདངས་བཟངས་ཀྱི་རྟོགས་པ་བརྗོད་པ་ལས་གང་སེམས་ཅན་ཡོངས་སུ་སྨིན་པར་བྱས་པ་དེ།
69b4 བསྐལ་པ་གང་གའི་ཀླུང་གི་བྱེ་མ་རྙེད་ནས། བཅོམ་ལྡན་འདས་ཤཱཀྱ་ཐུབ་པ་མངོན་པར་རྫོགས་པར་སངས་རྒྱས་ནས། བསྟན་པར་མོས་པ་དང་། མར་མེ་མཛད་ནས་བཟུང
69b5 སྟེ། མངོན་པར་རྫོགས་པའི་བྱང་ཆུབ་པ་དེའི་བར་དུ། བཅོམ་ལྡན་འདས་ཤཱཀྱ་ཐུབ་པའི་བྱང་ཆུབ་སེམས་དཔའ་སྤྱོད་པ་གང་ཡིན་པ་དེ། སངས་རྒྱས་ཀྱི་ཡུལ་གྱི་བསྐལ་པ་མུ་མེད
69b6 པ་ནས་མངོན་པར་རྫོགས་པར་སངས་རྒྱས་ནས། བསྟན་པར་མོས་པ་དང་། གང་ཤཱཀྱ་ཐུབ་པས་བསྟན་པ། སེམས་ཅན་ཡོངས་སུ་སྨིན་པར་བྱས་པ་དེ་ཡང་། བཅོམ་ལྡན་འད
69b7 ཤཱཀྱ་ཐུབ་པས། སངས་རྒྱས་ཀྱི་ཡུལ་གྱི་བསྐལ་པ་མུ་མེད་པ་ནས། མངོན་པར་རྫོགས་པར་སངས་རྒྱས་ནས། བསྟན་པར་མོས་པའོ་ཞེས་གསུང་སོ།། འདི་དག་པས་ཀྱང
69b8 གང་དག་བྱང་ཆུབ་དུ་སེམས་བསྐྱེད་པའི་སེམས་ཅན་དེ་དག་ནི་ཤིན་དུ་རྙེད་པར་དཀའོ།། བྱང་ཆུབ་དུ་སེམས་བསྐྱེད་པར་དཀའ་བ་ཅི་མངོན་ཞེ་ན། མདོ་མང་པོས་ལས་ཐོས་ཏེ།
iiif viewer powered by OpenSeadragon
