| e-texts navigator |
| Wylie |
69a1 ཕུང་པོ་དང་། ཁམས་དང་། སྐྱེ་མཆེད་ལ་ཡང་མི་ཆགས། ཆོས་ཐམས་ཅད་སྟོང་རང་བཞིན་གྱིས་སྟོང་པར་ཡང་ཡིད་ཆེས་ཏེ། སངས་རྒྱས
69a2 ཀྱི་ཡེ་ཤེས་ཚོལ་ཞིང་བག་ཡོད་པ་ལ་གཞོལ་བ་ཡིནོ།། བག་ཡོད་གང་ཞེ་ན། གང་གི་དབང་པོ་སྡོམ་པ་དང་། རང་གི་སེམས་འདུལ་བ་དང་། གཞན་གྱིས་སེམས་བསྲུང་བའོ།། །
69a3 ཞེས་གསུངསོ།། ཟླ་བ་སྙིང་པོའི་ལེའུ་ལས་ཀྱང་། དཀོན་མཆོག་གསུམ་ལ་སེམས་ཅན་དད་ཅིང་དད་པ་ནི། དཀོན་ཏེ། དཔེར་ན་ཡིད་བཞིན་གྱི་ནོར་བུ་རིན་པོ་ཆེ་དཔེར་བརྗོད་པ
69a4 བཞིན་ནོ།། ཞེས་གསུང་སོ།། ཀླུའི་རྒྱལ་པོ་རྒྱ་མཚོས་ཞུས་པ་ལས་ཀྱང་།། ཀླུའི་བདག་པོ་བྱང་ཆུབ་སེམས་དཔའ་ཆོས་ལྔ་དང་ལྡན་པ་དག་ནི་དད་པ་ཅན་ཡིན་ཏེ། ལྔ་གང་ཞེ་ན།
69a5 ལས་ཀྱི་རྣམ་པར་སྨིན་པ་ལ་འཇུག་པའི་སྟོབས་དང་། བྱང་ཆུབ་ཀྱི་སེམས་མི་འདོར་བའི་སྟོབས་དང་། ཡིད་དམ་ལ་བརྟན་པའི་སྟོབས་དང་། མི་དགེ་བའི་ཆོས་ཐམས་ཅད་སྤངས
69a6 པའི་སྟོབས་དང་། ཉེས་པ་བྱས་པ་ཐམས་ཅད་བཟོད་པའི་སྟོབས་དང་ལྡན་པའོ།། ཞེས་གསུངསོ།། དེ་བཞིན་གཤེགས་པའི་ཡོན་ཏན་དང་། ཡེ་ཤེས་བསམ་གྱིས་མི
69a7 ཁྱབ་པའི་ཡུལ་ལ་འཇུག་པ་བསྟན་པའི་མདོ་ལས་ཀྱང་། འཕགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་སྒྲུབ་པ་ཐམས་ཅད་རྣམ་པར་སེལ་བས་སྨྲས་པ། འཇམ
69a8 དཔལ་ཆོས་ལྔ་པོ་དེ་དག་ལ་མོས་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཡོན་ཏན་གྱི་རྣམ་པ་འདི་དག་དང་། གཞན་གྲངས་མེད་པ་ཡང་ཐོབ་པར་འགྱུར་རོ།།
iiif viewer powered by OpenSeadragon
