| e-texts navigator |
| Wylie |
68a1 དང་།། ཐེ་ཚོམ་མི་བཞིང་ནེམ་ནུར་མེད་པ་ནི་དད་པའོ།། ལས་དང་ལས་ཀྱི་རྣམ་པར་སྨིན་པ་ལ་མངོན་པར་དད་པའོ།། རྙོག་པ་མེད་པའི་སེམས་ལ་དང
68a2 པའོ།། ཆོས་ཐམས་ཅད་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དང་། མངོན་པར་འདུ་མི་བྱེད་པ་ལ་དད་པའོ།། སྦྱིན་པ་དང་སྦྱིན་པའི་འབྲས་བུ་དང་། ཚུལ
68a3 ཁྲིམས་དང་ཚུལ་ཁྲིམས་ཀྱི་འབྲས་བུ་དང་། བཟོད་པ་དང་བཟོད་པའི་འབྲས་བུ་དང་། བརྩོན་འགྲུས་དང་བརྩོན་འགྲུས་ཀྱི་འབྲས་བུ་དང་། བསམ་གཏན་དང་བསམ་གཏན
68a4 གྱི་འབྲས་བུ་དང་། ཤེས་རབ་དང་ཤེས་རབ་ཀྱི་འབྲས་བུ་ལ་དད་པའོ།། ཞེས་གསུང་སོ།། ཡང་དེ་ཉིད་ལ་འབྱུང་བ། དང་བའི་མཚན་ཉིད་ནི་དད་པ་དེ། གང་ཐེག་པ་ཆེན
68a5 པོ་ལ་མོས་པ་འདི་ནི་དད་པའི་སྟོབས་ཤེས་བྱའོ།། གང་ཆགས་པ་མེད་པ་ཁོང་དུ་ཆུད་པ་ལ་དད་པའི་དབང་པོ་དང་།། དད་པའི་སྟོབས་ནི་དད་པ་ཞེས་བྱའོ།། གཞན་ཡང
68a6 དད་པའི་སྟོབས་ནི་དད་པ་གང་གིས་གཞན་གྱི་སྒྲ་ལ་དད་པ་སྟེ།། བྱང་ཆུབ་སེམས་དཔའི་གཞན་གྱི་སྒྲ་དེ་གང་ཞེ་ན། གང་གཞན་ལས་བྱང་ཆུབ་ཀྱི་སེམས་ཡང་དག་པར་འཛིན
68a7 དུ་འཇུག་པ་ཐོས་པའོ།། གཞན་ལས་བྱང་ཆུབ་སེམས་དཔའི་སྤྱོད་པ་དང་། བྱང་ཆུབ་ཀྱི་སེམས་དང་། བསམ་པ་དང་། སྦྱོར་བ་དང་། ཕ་རོལ་དུ་ཕྱིན་པ་དང་། ཐབས་མཁས
68a8 བ་དང་། བསྡུ་བའི་དངོས་པོ་དང་། སངས་རྒྱས་ཀྱི་ཆོས་དང་། བྱང་ཆུབ་སེམས་དཔའི་ཆོས་ཐོས་པ་སྟེ། གཞན་གྱི་སྒྲ་ཐོས་ནས་མངོན་པར་དད་པ་འདི་ནི་དད་པ་ཞེས་བྱ
iiif viewer powered by OpenSeadragon
