| e-texts navigator |
| Wylie |
67b1 མེད། ལུས་ཀྱང་མེད། ཡིད་ཀྱང་མེད། ཡིད་འགགས་པ་འང་མེད། གནས་པ་ཡང་མེད། མི་གནས་པ་ཡང་མེད། གྲགས་པ་ཡང་མེད། མ་གྲགས་པ་ཡང
67b2 མེད། ཡན་ལག་དྲུག་བཅུ་དང་ལྡན་པའི་དབྱངས་ཀྱི་སྙན་པའི་ཚིག་དང་། ཡི་གེ་དང་།། ངག་གི་ལས་ཡོངས་སུ་དག་པ་དང་། སེམས་རྣམ་པར་དང་བ་དང་།
67b3 ལུས་ཡོངས་སུ་སྦྱངས་པ་དང་། ཁ་དོག་སྣ་ཚོགས་སྟོན་པས།། དེ་བཞིན་གཤེགས་པ་ལ་མ་མཁྱེན་པ་འམ། མ་གཟིགས་པ་འམ།། མ་བསན་པ་འམ།
67b4 མངོན་སུམ་དུ་མ་མཛད་པ་འམ། མངོན་པར་རྫོགས་པར་སངས་རྒྱས་མ་རྒྱས་པ་མེད་དོ།། དེ་བཞིན་གཤེགས་པ་དེ་ནི་སྤྱན་ཡོངསུ་དག་པ་སྟེ། ཀུན་ནས
67b5 སྤུན་དང་ལྡན་པ།། འདོད་ཆགས་དང་བྲལ་བ། ཞེ་སྡང་སྤངས་པ། སྲེད་པ་མེད་པར་གྱུར་པ། གཏི་མུག་ལེགས་པར་བཅོམ་པ་ཤའི་སྤྱན་དཔག་དུ་མེད་པ་སྤྱི
67b6 གཙུག་ལྟར་མི་སྣང་བར་མངོན་པར་འཕགས་པ། སྒྲ་དབྱངས་ཟབ་པ། དོན་དམ་པ་སྟོན་པ། སངས་རྒྱས་ཀྱིས་ཆོས་ཐམས་ཅད་ཀྱི་བླ་ན་མེད་པར་གྱུར་པ་སྟེ། གང
67b7 འདི་ལྟ་བུའི་སངས་རྒྱས་ཀྱི་ཆོས་དེ་དག་ལ་རྟོག་པ་དང་། ཡིད་ཆེས་པ་དང་། མི་སྤོང་བ་དེའི་དང་པོའི།། ཞེས་གསུང་སོ།། དད་པའི་སྟོབས་སྐྱེད་པའི་མདོ་ལས
67b8 བྱུང་བ། འཇམ་དཔལ་དེ་དང་པའི་སྟོབས་གང་ཞེ་ན། དད་པ་གང་གིས་སངས་རྒྱས་ཀྱི་ཆོས་ཐམས་ཅད་ལ་མངོན་པར་དད་པ་དང་། མོས་པ་དང་། ཡིད་ཆེས་པ
iiif viewer powered by OpenSeadragon
