| e-texts navigator |
| Wylie |
67a1 དད་པ་ཡིན། དད་པ་མང་ཞིང་འཕགས་པ་རྣམས་ལ་ལྟ་བར་འདོད་པ་དང་། དམ་པའི་ཆོས་ཉིན་པར་འདོད་དང་། སེར་སྣ
67a2 མེད་ཅིང་ལྷུག་པར་གཏོང་བ་དང་། ལག་ཀྱང་སྟེ་གཏོང་བ་ལ་དགའ་བ་དང་། མཆོད་སྦྱིན་བྱིན་པའི་ངང་ཚུལ་ཅན། གཏོང་བ་ཕུན་སུམ་ཚོགས་པ་དང་། སྦྱིན་པ་གཏོང
67a3 བ་ལ་དགའ་བ་དང་། ཁོང་ཁྲོ་བ་མེད་པའི་སེམས་དང་ལྡན་པ་དང་། ལས་དང་ལས་ཀྱི་རྣམ་པར་སྨིན་པ་དང་། ཡིད་ཆེས་པ་དང་། མོས་པ་དང་། རྟོག་པ
67a4 དང་། སོམ་ཉི་མེད་ཅིང་ཐེ་ཚོམ་མི་ཟ་ཞིང་། ཡིད་གཉིས་མི་ཟ་བ་ཡིན་ཏེ། དེ་དཀར་པོ་དང་ནག་པོའི་ལས་རྣམས་ཀྱིས་རྣམ་པར་སྨིན་པ་ཆུད་མི་ཟ་བར་རིག་ནས།
67a5 སྲོག་གི་ཕྱིར་ཡང་མི་བྱ་བ་མི་བྱེད་དོ་ཞེས་གསུང་སོ།། ཡང་དེ་ཉིད་ལས་བྱུང་བ། དད་པ་གང་ཞེ་ན། དད་པ་གང་གི་འཕགས་པའི་དྲུང་དུ་ཉེ་བར་འགྲོ་བ་དང་། བྱ་བ
67a6 མ་ཡིན་པ་མི་བྱེད་པའོ་ཞེས་གསུངས་སོ།། ཡིད་གཉིས་ཡང་དག་པར་འཇོམས་པའི་མདོ་ལས་ཀྱང་། དད་པ་ནི་དགེ་བའི་ཆོས་ཐམས་ཅད་ཀྱི་མངོན་དུ་འགྲོ་བ
67a7 སྟེ། དེ་ལ་དད་པ་གང་གིས་དད་པར་འགྱུར་བ་གང་ཞེ་ན། འདི་ལྟར་དེ་བཞིན་གཤེགས་པ་སྒྲིབ་པ་མེད་པའི་ཡེ་ཤེས་ཐོབ་པ་དང་ལྡན་ཏེ། དེས་ཆོས་བཤད
67a8 པ་ནི་མཐོང་བར་དཀའ་བ་ཤེས་པར་དཀའ་བ། ཟབ་རྒྱུ་བ་ཆད་པ་སྟེ། མིག་ཀྱང་མེད། མིག་འགགས་པ་ཡང་མེད།། རྣ་བ་ཡང་མེད། སྣ་ཡང་མེད། ལྕེ་ཡང
iiif viewer powered by OpenSeadragon
