| e-texts navigator |
| Wylie |
66a1 པ་ཡང་མེད་པར་ལྟ་བར་ཡིན་ནོ།། གཞན་ཡང་གང་ཟག་དེ་དབུས་ཀྱི་མི་རྣམ་ཀྱི་ནང་དུ་སྐྱེས་ཏེ། གླེན་པ་མ་ཡིན་པ་ནས་ལེགས་པར་སྨྲས་པ་དང་།
66a2 ཉེས་པར་སྨྲས་པ་རྣམ་ཀྱི་གོ་བའི་མཐུ་ཡོད་པའི་བར་དུ་གྱུར་ལ།། དེ་ཡང་དག་པར་ལྟ་ཞིང་ཕྱིན་ཅི་ལོག་དུ་མཐོང་བར་མ་གྱུར་ཏེ།། དེ་འདི་ལྟར་སྦྱིན་པ་ཡང་ཡོད་པ་ནས།
66a3 མངོན་སུམ་དུ་བྱས་ཏེ་ཁོང་དུ་ཆུད་པར་བྱེད་པ་ཡང་ཡོད་པའི་བར་དུ་ལྟ་ན། དེ་བཞིན་གཤེགས་པ་འཇིག་རྟེན་དུ་མ་བྱུང་སྟེ། ཞི་བར་འགྱུར་བ། ཡོངས་སུ་མྱ་ངན
66a4 ལས་འདས་པར་འགྱུར་བ། རྫོགས་པའི་བྱང་ཆུབ་དུ་འགྲོ་བར་བྱེད་པ། བདེ་བར་གཤེགས་པས་རང་དུ་བསྟན་པའི་ཆོས་མ་སྟོན་པ་ཡིན་ནོ།། གང་ཟག་ཚངས་པར
66a5 སྤྱོད་པ་ལ་གནས་པའི་དལ་བའི་དུས་ནི་གཅིག་སྟེ། དེ་བཞིན་གཤེགས་པ་འཇིག་རྟེན་འདིར་འབྱུང་ལ།། ཆོས་ཀྱང་སྟོན་ཏེ། ཚངས་པར་སྤྱོད་པར་ཐོག་མར་དགེ་བ།
66a6 ཁར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ།། མ་འདྲེས་པ་ཡོངས་སུ་རྫོགས་པ། ཡོང་སུ་དག་པ། ཡོངསུ་བྱང་བར་ཡང་དག་པར་རབ་ཏུ
66a7 སྟོན་ལ། གང་ཟག་དེ་ཡང་དབུས་ཀྱི་མིའི་ནང་དུ་སྐྱེས་ཏེ། དེ་གླེན་པ་མ་ཡིན་ཞིང་ལུག་ལྟར་ལྐུགས་པ་མ་ཡིན་པས་ནས་ལེགས་པར་སྨྲས་པ་དང་། ཉེས་པར་སྨྲས་པའི
66a8 དོན། གོ་བའི་མཐུ་ཡོད་པའི་བར་འགྱུར། དེ་ཡང་དག་པར་ལྟ་ཞིང་མ་ལོག་པར་མཐོང་སྟེ། དེ་འདི་ལྟར་སྦྱིན་པ་ཡང་ཡོད། སྦྱིན་བསྲེག་བྱས་པ་ཡང་ཡོད། ལེགས
iiif viewer powered by OpenSeadragon
