| e-texts navigator |
| Wylie |
65b1 པོའོ།། དེ་བཞིན་དུ་དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དང་། ལྷ་ཚེ་རིང་པོ་དང་། མཐའ་ཁོབ་ཀྱི་མི་དང་། རྐུ་འཕྲོག་བྱེད་པ་དང་། ཀླ་ཀློ་དང་།
65b2 བརྣབ་སེམས་ཅན་དང་།། གནོད་སེམས་ཅན་གང་དུ་དགེ་སློང་དང་། དགེ་སློང་མ་དང་། དགེ་བསྙེན་མ་མེ་འོབ་ནང་དུ་སྐྱེས་པ་ཡིན་ནོ།། འཇིག་རྟེན་འདིར་དེ་བཞིན
65b3 གཤེགས་པ་བྱུང་སྟེ། ཆོས་ཀྱང་སྟོན་པ་གང་ཟག་དེ་དབུས་ཀྱི་མིའི་ནང་དུ་སྐྱེས་ན། དེ་གླེན་ཅིང་ལུག་ལྟར་ལྐུགས་ལ་ལག་བརྡ་བྱེད་ཅིང་། ལེགས་པར་སྨྲས་པ་དང་།
65b4 ཉེ་བར་སྨྲས་པའི་དོན་གོ་བའི་མཐུ་མེད་པ་ཡིན་ནོ།། དེ་བཞིན་གཤེགས་པ་འཇིག་རྟེན་འདིར་འབྱུང་སྟེ།། ཆོས་ཀྱང་སྟོན་ལ། གང་ཟག་དེ་དབུས་ཀྱི་མིའི་ནང་དུ་སྐྱེས་ཤིང་།།
65b5 དེ་གླེན་པ་མ་ཡིན་ལ་ལུག་ལྟར་ལྐུག་པ་མ་ཡིན་པ་ནས་དོན་གོ་བའི་མཐུ་ཡོད་པའི་བར་དུ་ཡང་གྱུར་ན།། དེ་ལོག་པར་ལྟ་ཞིང་ཕྱིན་ཕྱི་ལོག་དུ་མཐོང་སྟེ། དེ་འདི་ལྟར་སྦྱིན
65b6 པ་ཡང་མེད་མཆོད་སྦྱིན་ཡང་མེད། སྦྱིན་བསྲེག་བྱས་པའང་མེད། ལེགས་པར་བྱས་པ་དང་། ཉེས་པར་བྱས་པའི་ལས་ཀྱི་འབྲས་བུ་རྣམ་པར་སྨིན་པའང་མེད།། འཇིག
65b7 རྟེན་འདི་ཡང་མེད། འཇིག་རྟེན་ཕ་རོལ་ཡང་མེད།། ཕ་རོལ་ཡང་མེད། མ་ཡང་མེད། འཇིག་རྟེན་ན་དགེ་སྦྱོང་དང་། བྲམ་ཟེ་ཡང་དག་པར་སོང་བ་དང་། ཡང་དག་པར
65b8 ཞུགས་པ་དང་། དགྲ་བཅོམ་པ་འཇིག་རྟེན་རིག་པ་གང་རང་གི་མངོན་པར་ཤེས་པས་འཇིག་རྟེན་འདི་དང་འཇིག་རྟེན་ཕ་རོལ་མངོན་སུམ་དུ་བྱས་ཏེ། ཁོང་དུ་ཆུད་པར་བྱེད
iiif viewer powered by OpenSeadragon
