| e-texts navigator |
| Wylie |
64a1 ཨུ་དུམ་བ་རིའི་མེ་ཏོག་དེའི་ཚད་ནི་ཤིང་རྟའི་འཕང་ལོ་ཙམ་མོ།། ནམ་སངས་རྒྱས་བཅོམ་ལྡན་འདས་དག་རྒྱལ་རིགས་ཀྱི་ནང་དུ་འབྱུང་བ་དེའི་ཚེ།།
64a2 མེ་ཏོག་ཁ་དོག་དཀར་པོར་རབ་དུ་འགྱུར་རོ།། ནམ་བྲམ་ཟེའི་ནང་དུ་འབྱུང་བ་དེའི་ཚེ་མེ་ཏོག་དམར་པོར་འགྱུར་རོ་ཞེས་གསུང་སོ།། བྱང་ཆུབ་སེམས་དཔའི་སྡེ་སྣོད་ལས་ཀྱང་།། ཀྱེ
64a3 རྒྱལ་བའི་སྲས་དེ་བཞིན་གཤེགས་པ་ནི་རྙེད་པར་དཀའ་སྟེ། མཆོག་ཏུ་རྙེད་པར་དཀའོ་ཞེས་གསུང་སོ།། བཅོམ་ལྡན་འདས་ཀྱི་ཡེ་ཤེས་ཤིན་དུ་རྒྱས་པའི་མདོ་ལས།། བྱང་ཆུབ
64a4 སེམས་དཔའི་རྒྱལ་པོའི་དྲང་སྲོང་སྙན་པ་ཆེན་པོས་བསྟན་པ། གྲོགས་པོ་དག་དེ་བཞིན་གཤེགས་པ་གང་བྱེད་པ་དང་ལྡན་པའི་ཆོས་སྟོན་པ་དག་ནི་རྒྱ་ལམ་རྒྱ་ལམ་ན་འཇིག
64a5 རྟེན་དུ་འབྱུང་ངོ་།། ཞེའོ།། ཟླ་བའི་སྙིང་པོའི་ལེའུ་ལས་ཀྱང་བསྟན་སྟེ། སངས་རྒྱས་རྣམས་འཇིག་རྟེན་དུ་འབྱུང་བ་ནི་རྙེད་པར་དཀའ་སྟེ། ཨུ་དུམ་བ་རིའི་མེ་ཏོག་དཔེར
64a6 བརྗོད་པ་དང་མཚུངསོ།། འཕགས་པ་སྡོང་པོར་བཀོད་པའི་མདོ་ལས་ཀྱང་།། གང་དག་མཐོང་ཞིང་ཐོས་པ་དང་།། བསྙེན་བཀུར་བྱས་པ་དོན་ཡོད་པ།། འཇིག་རྟེན
64a7 འདྲེན་པ་འཇིག་རྟེན་ན། བསྐལ་པ་བྱེ་བར་རྙེད་པར་དཀའ། ཞེས་གསུངསོ།། སྐལ་པ་བཟང་པོའི་མདོ་ལས་ཀྱང་། བསྐལ་པ་བཟང་པོའི་འོག་དུ། སངས་རྒྱས་མེད་པའི
64a8 བསྐལ་པ་དྲུག་བཅུ་འབྱུང་ངོ་།། དེའི་འོག་དུ་བསྐལ་པ་བསྙེན་པ་ཆེན་པོ་ཞེས་བྱ་བ་འབྱུང་སྟེ། བསྐལ་པ་གཅིག་པོ་དེ་ལ་སངས་རྒྱས་ཁྲི་འབྱུང་ངོ་།། བསྐལ་པ་བསྙེན
iiif viewer powered by OpenSeadragon
