| e-texts navigator |
| Wylie |
63b1 རྒྱས་སྐྱེ་བ་དང་དུས་ཅིག་དུ་འབྱུང་སྟེ། ཁ་དོག་དང་ལྡན་ཞིང་གསལ་ཏེ་འོད་བཟང་ལ་དྲིས་ནི་དཔག་ཚད་ཅིག་ཁོར་ཡུག་དུ་ཁྱབ་པར་བྱེད་དོ།། མེ་ཏོག་ནི་རབ་རིབ་མེད་པར་བྱེད།
63b2 དྲན་པ་ཡོངས་སུ་སྦྱོར་བར་བྱེད། ནད་ཀྱང་རབ་དུ་ཞི་བར་བྱེད།། དྲི་ང་བ་ཡང་སེལ་ཅིང་སྣང་བར་ཡང་བྱེད། དྲི་ཞིམ་པོ་ཡང་འབྱིན་ཏོ།། དྲི་དེས་ཁམས་བཞི་དང་བར
63b3 འགྱུར་ཏེ། འཁོར་ལོས་སྒྱུར་བའི་རྒྱལ་པོ་ཐམས་ཅད་ལ་ཡང་མེ་ཏོག་དེ་མི་འབྱུང་ན།། སེམས་ཅན་ཚུལ་ཁྲིམས་འཆལ་པ་རྣམས་ལ།། སངས་རྒྱས་འབྱུང་བ་དང་།།
63b4 མཚུངས་པའི་མེ་ཏོག་འབྱུང་བར་ལྟ་ག་ལ་འགྱུར། ཞེས་གསུངསོ།། མེ་ཏོག་དེ་ཅི་འདྲ་གང་དུ་ནམ་སྐྱེ་ཞེ་ན།། རྟོགས་པ་བརྗོད་པ་ལས་འབྱུང་བ། མཚོ་ཆེན་པོ་མ
63b5 དྲོས་པ་འདས་པའི་བྱང་ཕྱོགས་ན།། རི་རྩེ་ལྔ་ཞེས་བྱ་བ་དེའི་ཕ་རོལ་ན། ཨུ་དུམ་བ་རིའི་ཚལ་ཡོད་དེ།། ནམ་སངས་རྒྱས་བཅོམ་ལྡན་འདས་དག། དགའ་ལྡན་གྱི
63b6 ལྷའི་རིས་ནས་བབས་ཏེ། ཡུམ་གྱིས་ལྷུམས་ཞུགས་པ་དེའི་ཚེ།། ཚལ་དེ་ལ་འདུ་བར་འགྱུར་རོ།། ནམ་ཡུམ་གྱི་ལྷུམས་ནས་བལྟམ་པ་དེའི་ཚེ།། ཚྭ་དེ་ཁ་འབྱེ་བར
63b7 འགྱུར་རོ།། ནམ་བླ་ན་མེད་པ་ཡང་དག་པར་རྫོགས་པར་སངས་རྒྱས་པའི་དེའི་ཚེ།། ཚལ་དེའི་མེ་ཏོག་ཀྱང་རབ་ཏུ་རྒྱས་པར་འགྱུར་རོ།། ནམ་ཚེའི་དུས་བྱེད་བོར་བ་དེའི་ཚེ།
63b8 ཚལ་དེ་རྙེད་པར་འགྱུར་རོ།། ནམ་ཡོངས་སུ་མྱ་ངན་འདས་པའི་ཚེ། ཚལ་དེའི་ལོ་མ་དང་།། མེ་ཏོག་དང་།། འདབ་མ་དང་།། འབྲས་བུ་ཡང་ལྷག་པར་འགྱུར་རོ།།
iiif viewer powered by OpenSeadragon
