| e-texts navigator |
| Wylie |
164a1 @མདོ་སྡེ་སྣ་ཚོགས་ལས་དལ་བ་ཕུན་སུམ་ཚོགས་པ་རྣམ་པར་དག་པ་ཡང་རྙེད་པར་དཀའ། སངས་རྒྱས་འབྱུང་བ་ཡང་རྙེད་པར་དཀའ། དབང
164a2 པོ་མ་ཚང་བ་མེད་པ་ཡང་རྙེད་པར་དཀའ། སངས་རྒྱས་ཀྱི་ཆོས་མཉན་པ་ཡང་རྙེད་པར་དཀའ། སྐྱེས་བུ་དམ་པ་དང་འགྲོགས་པ་ཡང་རྙེད་པར་དཀའ། དགེ་བའི་བཤེས།
164a3 གཉེན་རྣམས་ཀྱང་རྙེད་པར་དཀའ། ཡང་དག་པའི་ཚུལ་རྗེས་སུ་བསྟན་པ་ཉེ་བར་སྦྱོར་བར་ཡང་རྙེད་པར་དཀའ། ཡང་དག་པར་འཚོ་བར་བྱ་བ་ཡང་རྙེད་པར་དཀའ།
164a4 མིའི་འཇིག་རྟེན་ན་ཆོས་དང་རྗེས་སུ་འཐུན་པར་ཆོས་ལ་ནན་ཏན་བྱེད་པ་ཡང་རྙེད་པར་དཀའ། ཞེས་འབྱུང་ངོ་།། དེ་ལྟ་བུ་དང་ཕྲད་པ་ལ་རྟེན་ནས་སེམས་ཅན་ཆེན་པོ་དག་ལ།
164a5 འདི་ལྟ་བུའི་རྟོག་པ་འབྱུང་ངོ་།། འདི་ལྟར་བདག་དང་། གཞན་དག་ཀྱང་། འཇིགས་དང་སྡུག་བསྔལ་མི་འདོད་ན། བདག་དང་བྱེ་བྲག་ཅི་ཡོད་ཀྱི།། གང་དག་དེ་བསྲུང
164a6 གཞན་མི་བསྲུང་སྙམ་སྟེ།། བདག་དང་སེམས་ཅན་ཁམས་རྣམས་ཀྱི། སྡུག་བསྔལ་མཐར་འབྱིན་པར་འདོད་དང་། བདེ་བའི་མཐར་ཡང་འགྲོ་འདོད་པས། དད་པའི
164a7 རྩ་བ་བརྟན་བྱས་ཏེ། བྱང་ཆུབ་ལ་ཡང་བློ་བརྟན་བྱ།། དཀོན་མཆོག་ཏ་ལ་ལའི་གཟུངས་ལས་གསུངས། རྒྱལ་དང་རྒྱལ་བའི་ཆོས་ལ་དང་གྱུར་ཅིང་། སངས་རྒྱས་ཀྱི
164a8 སྤྱོད་ལ་དད་བྱེད་ལ། བྱང་ཆུབ་བླ་ན་མེད་པ་དང་གྱུར་ནས། སྐྱེས་བུ་ཆེན་པོ་རྣམས་ཀྱི་སེམས་སྐྱེའོ།། དད་པ་སྔོན་འདྲེན་མ་ལྟར་སྐྱེད་པ་སྟེ། ཡོན་ཏན་ཐམས
iiif viewer powered by OpenSeadragon
