| e-texts navigator |
| Wylie |
163b1 བསྟན་པ་དེ་དག་ལ་མོས་པ་དང་། ཡི་གེར་འབྲི་བ་དང་། ཀློག་པ་དང་། མཆོད་པ་དང་། སྟི་སྟང་བྱེད་པ་ཡང་བསོད་ནམས་ཤིན་དུ་རྒྱས་པར་འཕེལ་བར་འགྱུར་ཏེ། མདོ
163b2 ལས་འཇམ་དཔལ་འདི་ལྟ་སྟེ་དཔེར་ན། རིའི་རྒྱལ་པོ་རི་རབ་ནི་འདི་ལྟ་སྟེ། ཡིགེ་འབྲི་བ་དང་། གློ་ཆེ་བ་ཉིད་ཀྱི་རིགས་ཐམས་ཅད་ཟིལ་གྱིས་མནན་ནས། ལྷག་གེ་ཐལ་ལེ།
163b3 ལྷ་མོའོ།། འཇམ་དཔལ་དེ་བཞིན་དུ་བྱང་ཆུབ་སེམས་དཔའ་ཆོས་ཀྱི་རྣམ་གྲངས་འདི་ལ་མོས་པས་ཀྱང་འདི་ལྟ་སྟེ། མཐོང་བ་དང་ཡངས་པ་དང་། ཆེ་བ་ཉིད་ཀྱི་མདོ་ལ
163b4 མོས་པ། ཕ་རོལ་ཕྱིན་པ་ལྔ་ལས་བྱུང་བའི་དགེ་བའི་རྩ་བ་བསྐལ་པ་གྲངས་མེད་པར་བསགས་པའི་བྱང་ཆུབ་སེམས་དཔའ་ཕྱོགས་བཅུའི་འཇིག་རྟེན་གྱི་ཁམས་ཀྱི་རྡུལ་སྙེད
163b5 ཟིལ་གྱིས་མནན་ནས། ལྷ་མེ། ལྷ་ནི་ལྒང་ངེའོ།། འཇམ་དཔལ་རིགས་ཀྱི་བུ་འམ། རིགས་ཀྱི་བུ་མོ་གང་གཞན་ཞིག་ཕུང་པོ་མེད་པའི་གནས་ལ་མོས་པར་གྱུར། འདི
163b6 ནི་བསོད་ནམས་ཆེས་གྲངས་མེད་པར་བསྐྱེད་དོ།། འཇམ་དཔལ་གལ་ཏེ་སེམས་ཅན་ཐམས་ཅད་ཕུང་པོ་མེད་པའི་གནས་ལ་མོས་པར་གྱུར་པ་བས། འཇམ་དཔལ་རིགས
163b7 ཀྱི་བུ་འམ། རིགས་ཀྱི་བུ་མོ་གཞན་ཞིག་ཆོས་ཀྱི་རྣམ་གྲངས་འདི་ལ་མོས་ནས། ཡི་གེར་འབྲི་བ་འམ། ཐ་ན་གླེགས་བམ་ལ་བྲིས་ཏེ། མོས་པར་འཆང་ངམ། བར་མེ་དང་།
163b8 བདུག་པ་དང་། མེ་ཏོག་དང་། སྤོས་དང་། ཕྲེང་བ་དང་། བྱུག་པས་མཆོད་ན། འདི་ནི་དེ་བས་བསོད་ནམས་ཆེས་གྲངས་མེད་པར་བསྐྱེད་དོ།། ཞེས་གསུངས་སོ།། །
iiif viewer powered by OpenSeadragon
