| e-texts navigator |
| Wylie |
163a1 པའི་སེམས་ཅན་རེ་རེ་ལ་ཡང་སེམས་ཅན་ཐམས་ཅད་སྙེད་ཀྱི་ལུས་དང་དབྱིབས་དང་། ཁ་དོག་དང་། དབྱངས་དང་། སྨྲ་བ་དང་། ཆོས་བསྟན
163a2 པ་རྣམ་པ་ཐ་དད་པ་ལ་སོགས་པའི་བྱེ་བྲག་གཞན་དང་། གཞན་དག་ལྷུན་གྱིས་གྲུབ་པས་རྣམ་པར་མི་རྟོག་བཞིན་དུ་ཅིག་ཆར་སྟོན་ཏེ། སེམས་ཅན་གཞན་དང་གཞན
163a3 གྱི་བསམ་པའི་དབང་གི། ཕྱི་མའི་མཐའ་བསྐལ་པའི་མུར་ཐུག་པའི་བྱིན་གྱིས་བརླབས་རྒྱུན་མི་གཅོད་པར་ཀུན་དུ་སྟོན་ཏོ།། འཇམ་དཔལ་འདི་ལྟ་སྟེ་དཔེར་ན།
163a4 ཟླ་བ་ཡར་གྱི་ངོའི་ཚེས་བཅཝོ་ལྔའི་ནམ་ཕྱེད་ཀྱི་དུས་ན། ཟླ་བའི་དཀྱིལ་འཁོར་འཛམ་བུའི་གླིང་སྐྱེས་པ་དང་། བུད་མེད་དང་། ཁྱེའུ་དང་། བུ་མོ་ཐམས་ཅད་མདུན་ན་གནས
163a5 པར་མཐོང་ཡང་། ཟླ་བའི་དཀྱིལ་འཁོར་མི་རྟོག་རྣམ་པར་མི་རྟོག་སྟེ། རྣམ་པར་མི་རྟོག་གཞན་དུ་མ་འདྲེས་པའི་ཆོས་དང་ལྡན་པས་བྱ་བ་འདི་ལྟ་བུ་འབྱུང་ངོ་།། དེ་བཞིན
163a6 དུ་བསམ་པ་ཇི་ལྟ་བ་བཞིན་དང་། འདུལ་བ་ཇི་ལྟ་བ་བཞིན་དུ་སེམས་ཅན་དེ་དག་གི་དེ་བཞིན་གཤེགས་པ་མདུན་ན་བཞུགས་པར་མཐོང་ཡང་དེ་བཞིན་གཤེགས་པ་རྣམས
163a7 མི་རྟོག་རྣམ་པར་མི་རྟོག་སྟེ། འོན་ཀྱང་ལྷུན་གྱིས་གྲུབ་པས་རྣམ་པར་མི་རྟོག་པའི་བྱང་ཆུབ་སེམས་དཔའ་སངས་རྒྱས་ཀྱི་མ་འདྲེས་པ་དང་ལྡན་པས་མཛད་པ་འདི་ལྟ་བུ
163a8 འབྱུང་ངོ་ཞེས་རྣམ་པ་མང་དུ་གསུངས་སོ།། མདོ་སྡེ་ཟབ་མོ་རྒྱ་ཆེན་པོ་གང་དག་ལ་སངས་རྒྱས་ཟབ་མོ་ཆེན་པོ་གང་དག་ལས་སངས་རྒྱས་དང་། བྱང་ཆུབ་སེམས་དཔའི་ཆེ་བ་ཉིད
iiif viewer powered by OpenSeadragon
