| e-texts navigator |
| Wylie |
159a1 པ་ཐམས་ཅད་ཀྱི་ཞབས་ཀྱི་དྲུང་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་དུ་བཟང་པོ་སེང་གེའི་ཁྲི་པད་མའི་སྙིང་པོ་ཅན་ལ་འདུག་ཅིང་། རྣམ
159a2 པར་རྩེ་བ་འདི་ཉིད་ཡོངས་སུ་སྟོན་པར་མཐོང་ངོ་།། ཇི་ལྟར་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ན། དེ་བཞིན་གཤེགས་པ་ཐམས་ཅད་ཀྱི་ཞབས་དྲུང་ན། བྱང་ཆུབ་སེམས
159a3 དཔའ་སེམས་དཔའ་ཆེན་པོ་ཀུན་དུ་བཟང་པོ་སེང་གེའི་ཁྲི་རིན་པོ་ཆེ་ཆེན་པོའི་པད་མའི་སྙིང་པོ་ཅན་ལ་འདུག་ཅིང་རྣམ་པར་རྩེ་བ་འདི་ཉིད་ཡོངས་སུ་སྟོན་པར་མཐོང་བ། དེ་བཞིན་དུ
159a4 ཕྱོགས་བཅུ་ཀུན་གྱི་སངས་རྒྱས་ཀྱི་ཞིང་ཐམས་ཅད་ཀྱི་རྡུལ་དག་ལ་རྡུལ་ཕྲ་རབ་ཀྱི་རྡུལ་རེ་རེའི་སངས་རྒྱས་ཀྱི་འཁོར་གྱི་དཀྱིལ་འཁོར་ཆོས་ཀྱི་དབྱིངས་ལྟར་རྒྱ་ཆེ་བ་དག་ན།
159a5 བྱང་ཆུབ་སེམས་དཔའ་ཀུན་དུ་བཟང་པོ་དེ་བཞིན་གཤེགས་པ་ཐམས་ཅད་ཀྱི་ཞབས་དྲུང་ན། སེང་གེའི་ཁྲི་རིན་པོ་ཆེ་ཆེན་པོའི་པད་མའི་སྙིང་པོ་ཅན་ལ་འདུག་ཅིང་རྣམ་པར་རྩེ་བ
159a6 འདི་ཉིད་ཡོངས་སུ་སྟོན་པས་མཐོང་ངོ་།། དེའི་ལུས་རེ་རེ་ལས་ཀྱང་དུས་གསུམ་འབྱུང་བ་འདི་དམིགས་པ་ཐམས་ཅད་གཟུགས་བརྙན་གྱི་ཚུལ་དུ་རྣམ་པར་དམིགས་པ་མངོན་དུ
159a7 བསྟན་པར་མཐོང་ངོ་།། སེམས་ཅན་ཐམས་ཅད་ཀྱི་སྒྲ་དང་། སངས་རྒྱས་ཐམས་ཅད་ཀྱི་དབྱངས་དང་། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་འཁོར་ལོ་བསྐོར་བ
159a8 དང་། རྗེས་སུ་བསྟན་པ་དང་། ཀུན་དུ་བརྗོད་པའི་ཆོ་འཕྲུལ་ཐམས་ཅད་དང་། བྱང་ཆུབ་སེམས་དཔའི་ཡང་དག་པར་སླུ་བ་ཐམས་ཅད་དང་། སངས་རྒྱས་ཀྱི་རྣམ་པར
iiif viewer powered by OpenSeadragon
