| e-texts navigator |
| Wylie |
327b1 པའི་ཕྱིར། བཅོམ་ལྡན་འདས་ག་ལ་བ་དེར་གོར་མ་ཆག་སྙམ་མོ།། དེ་ནས་ལྷའི་དབང་པོ་དང་། ཀླུའི་དབང་པོ་དང་། གནོད་སྦྱིན་གྱི་དབང་པོ་དང་། སྲིན་པོའི་དབང་པོ
327b2 དང་། རྫུ་འཕྲུལ་ཆེ་ཞིང་མཐུ་ཆེ་བ་དེ་དག་ཐམས་ཅད་ཀྱིས་ལྷའི་མེ་ཏོག་ཨུད་པ་ལ་དང་། པད་མོ་དང་། ཀུ་མུ་ཏ་དང་། པད་མ་དཀར་པོ་དང་། དྲི་མཆོག་དང་། མན་ད
327b3 ར་བ་དང་། མཱ་ད་ར་བ་ཆེན་པོ་དག་ཁྱེར་ནས། འོད་མའི་ཚལ་བྱ་ཀ་ལན་ད་ཀ་གནས་པ་ག་ལ་བ་དང་། བཅོམ་ལྡན་འདས་ག་ལ་བ་དེར་དོང་ཏེ། ལྷགས་ནས་བཅོམ
327b4 ལྡན་འདས་ལ་མངོན་པར་མཆོད་དེ། ཕྱག་བྱས་སོ།། མེ་ཏོག་གི་ཆར་ཆེན་པོ་དེ་དག་ཀྱང་ས་ཆེན་པོ་འདིའི་པུས་མོ་ནུབ་པ་ཙམ་དུ་ཁྱད་པར་འདུག་གོ།། དེ་ནས་བྱང
327b5 ཆུབ་སེམས་དཔའ་སེམས་དཔའ་ཆེན་པོ་དེ་དག་ཐམས་ཅད་ཆོས་མཉན་པའི་ཕྱིར། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། ཕྱོགས་གཅིག་ཏུ་འཁོད
327b6 དོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་བྱང་ཆུབ་སེམས་དཔའ་བྱེ་བ་ཕྲག་དུ་མས་བསྐོར་བ་ལྷ་བྱེ་བ་ཕྲག་དུ་མས་བསྐོར་ཏེ། རིག་སྔགས
327b7 འཆང་བརྒྱ་ཕྲག་དུ་མས་མདུན་དུ་བདར་བས་རྫུ་འཕྲུལ་དང་། མཐུ་ཆེན་པོ་དང་། བཀོད་པ་ཆེན་པོ་དང་། མེ་ཏོག་དང་། སྤོས་དང་། མེ་ཏོག་ཕྲེང་བ་དང་།
327b8 བདུག་པ་དང་། རོལ་མོའི་སྒྲ་དང་། སིལ་སྙེན་དང་། ཕེག་རྡོབ་པ་ཆེན་པོས་དེ་བཞིན་གཤེགས་པ་དགེ་སློང་གི་དགེ་འདུན་དང་། བྱང་ཆུབ་སེམས་དཔའི་ཚོགས
iiif viewer powered by OpenSeadragon
