| e-texts navigator |
| Wylie |
325a1 མི་ཆེ་འཕོས་པ་མར་སྐྱེ་བོ་ཞེས་ཟེར་བ་བསལ་བའི་ཕྱིར། ཁ་ཏོན་གྱི་དཔེ་བསྟན་ཏེ། འདིའི་དཔེ་ནི་ཟས
325a2 ཡིན་ལ་ཕ་རོལ་གྱི་དཔེ་ནི་སློབ་མ་ཡིན་ཏེ། ཐ་དད་པས་བླ་མ་ཡང་སློབ་མ་མ་ཡིན་པའི་ཕྱིར་རོ།། མེ་ཤེལ་གྱི་དཔེ་ལ་མི་འདྲ་བའི་དཔེ་ཡིན་ཏེ། དགེ་བ
325a3 ངན་སོང་། མི་དགེ་བས་མཐོ་རིས་སོ་ཞེས་ཟེར་བ་བསལ་བའི་ཕྱིར་མར་མེའི་དཔེ་བསྟན་ཏེ། མར་མེ་ལས་མར་མེ་མི་འདྲ་བ་མི་འབྱུང་གི་མར་ལས་མར་མེ
325a4 འདྲ་བ་འབྱུང་བ་བཞིན་དུ། དགེ་བས་མཐོ་རིས། མི་དགེ་བས་ངན་སོང་ནི་རིག་པའོ།། ས་བོན་གྱི་དཔེ་ལ་ཤེས་པ་འཕེལ་ཞེས་ཟེར་བ་དགག་པའི་ཕྱིར
325a5 རྒྱའི་དཔེ་བསྟེན་ཏེ། རྒྱའི་རི་མོ་ཅི་འདྲ་བ་དེ་ལས་འཛིན་པའི་གོང་བུ་ལ་ཡང་རི་མོ་གཞན་མི་འབྱུང་བའི་ཕྱིར་རོ།། སྐྱུར་གྱི་དཔེ་ལས་གང་གི་ལྷའི་ལོ་རྒྱུས
325a6 མྱོང་ན་དགེ་བ་མ་བྱས་ཀྱང་སྐྱེ་བ་ཐམས་ཅད་དུ་ལྷར་སྐྱེ། ངན་སོང་གི་སྡུག་བསྔལ་མྱོང་བ་དག་མི་དགེ་བ་མ་བྱས་ཀྱང་སྐྱེ་བ་ཐམས་ཅད་དུ་ངན་སོང་དུ་ཞེས
325a7 ཟེར་བ་དག། དགག་པའི་ཕྱིར་མེ་ལོང་གི་དཔེ་བསྟན་ཏོ།། མེ་ལེངས་ལ་བཞིན་ཅི་འདྲ་བ་སྣང་བ་བཞིན་དུ། དགེ་བ་དང་མི་དགེ་བའི་འབྲས་བུ་འདྲ
325a8 བ་བསྣོལ་ནས་མི་འདྲ་བར་སྦྱོར་བར་འགལ་བའི་ཕྱིར་རོ།། སྒྲའི་དཔེའ་ལ་ནི་བྱེད་པ་པོས་བྱས་པ་མ་ཡིན་ཏེ། མི་སྐད་མ་བསྒྲགས་པར་བྲག་ཆ་མི
iiif viewer powered by OpenSeadragon
