| e-texts navigator |
| Wylie |
435a1 ནས་གཤེགས་པ།། དེ་ཉིད་ནས་ནི་སློབ་མའང་མཆི།། ཁྱབ་འཇུག་གིས་བུད་མེད་དག། སྟོང་ཕྲག་བཅུ་དྲུག་ཡོངས་བཟུང་གྱུར།།
435a2 སྟོན་པ་འཇིག་རྟེན་འདས་ཁྱོད་ལ།། བདག་གི་མེད་ཅིང་ཡོངས་འཛིན་མེད།། ཀ་ཤི་མཛེས་དགའ་མོ་ལ་ནི།། རྒྱས་པ་ཡོངས་ཆགས་རྣམ་པར་བསྒྱུར།། ཁྱོད་ཁབ་བཞུགས
435a3 ནའང་ཕུང་ཁྲོལ་བའི།། དོན་གྱིས་དབང་པོ་རྨོངས་མ་གྱུར།། རྒྱས་པ་འདོད་གདུངས་གཡེན་སྤྱོ་བ།། བུད་མེད་ཀྱིས་ནི་བརྡོག་པས་བསྣན།། ཁྱོད་ནི་ཁྱིམ་པར་གྱུར་པ་ནའང་།།
435a4 ཕྱིར་ཞིང་འཁྲུག་པར་གྱུར་པ་མེད།། དགའ་བྱེད་ཆུང་མའི་དོན་གྱི་ཕྱིར།། རྒྱ་མཚོའི་ཕ་རོལ་སོང་ཞེས་གྲག། ཁྱོད་ཀྱིས་བུད་མེད་སྟོང་ཕྲག་ནི།། བརྒྱད་ཅུ་སྤངས་ནས་ནགས་སུ
435a5 གཤེགས།། རྣ་ཅན་ཐབ་དཀའ་ལ་སོགས་ལ།། ཁྱབ་འཇུག་གིས་ནི་གནོད་པ་བསམས།། སེམས་ཅན་རྣམས་ལ་ཕན་བཞེད་པ།། ཁྱོད་ཀྱིས་སྲོག་ཀྱང་བཏང་བར་མཛད།། །
435a6 ཁྱབ་འཇུག་གིས་སྒྲ་བྱས་ནས།། གོམ་གསུམ་གྱིས་ཕྲོག་གང་ཡིན་པའི།། ས་དེ་ངེས་པར་ཐར་བཞེད་པ།། ཁྱོད་ཀྱིས་རྩ་བཞིན་གཏད་པར་གྱུར།། དགའ་བྱེད་སྲོག་གཅོད་བྱེད
435a7 པའི་མངས།། འཇིག་རྟེན་རྒྱལ་རིགས་མེད་བྱས་པས།། གྲགས་པ་ཐོབ་པ་གང་ཡིན་ཏེ།། ཁྱོད་ཀྱིས་སྟན་ལ་གྲགས་པ་མིན།། སྒྲ་ངན་དང་ནི་སྐྱ་སེང་དག། གང་གི་ཕྱིར
435a8 ནི་གཡུལ་བཀྱེ་བའི།། དཔལ་དེ་ཁྱོད་ཀྱིས་འཁྲི་ཤིང་ནི།། གདུག་པ་བཞིན་དུ་སྤངས་ནས་གཤེགས།། ཁྱོད་ཀྱི་བསྟན་པ་བརྙེད་པ་ན།། ཐང་ཤིང་ནགས་ནི་ལྷ་ཆེན་པོ།།
iiif viewer powered by OpenSeadragon
