| e-texts navigator |
| Wylie |
433b1 དགའ་དད་པས།། དེའི་ཡོན་ཏན་གང་བསྒྲགས་པ།། ཁྱོད་ཀྱི་བསྟན་ལ་དེ་དག་བསྐྱོན།། ལྷ་ཆེན་ཁྲོས་པའི་མདའ་ཅིག་གིས།། གྲོང་ཁྱེར་གསུམ་བརྩེགས་བསྲེགས་ཤེས
433b2 གདའ།། ཁྱོད་ཀྱི་ཡེ་ཤེས་མདའ་ཆེན་གྱིས།། ཁྲོ་བའི་མེ་ཉིད་ངེས་པར་བསྲེགས།། ལྷ་ཆེན་གྱིས་ནི་འདོད་པ་དག། བསྲེགས་ཉེས་པས་ན་ཕྱིར་ཡང་དྲངས།། ཁྱོད་ཀྱི་ཡེ
433b3 ཤེས་ཞུགས་ཀྱིས་ནི།། འདོད་པ་རྩར་བཅས་བསྲེགས་ནས་བཏོན།། ལྷ་ཆེན་ཐིག་ལེ་མཆོག་མ་ལ།། ཆགས་པ་སྐྱེས་པས་གདོང་བཞི་བྱུང་།། བདུད་ཀྱི་བུ་མོ་བསྐྱེགས་པ
433b4 ཡིས།། ཁྱོད་ཀྱི་བ་སྤུའི་རྩེ་མི་གཡོས།། ལྷ་ཆེན་ཕྱེད་ནི་ཆུང་མ་བས།། དུར་པ་ཡིས་ཀྱང་ཐུག་མ་ལགས།། ཁྱོད་ནི་བདེ་བར་བགྱིད་པ་ཡི།། འདོད་པ་ཉིད་ཀྱིས་རྨོངས་མ་གྱུར།། །
433b5 འཁོར་མདུང་ཐུབ་ཅན་དག་གིས།། བདུད་སྟོབས་དེ་ལས་རྒྱལ་མི་ནུས།། ཁྱོད་ནི་འཁོར་ལོ་མདུང་མེད་པར།། བྱམས་པའི་མཚོན་གང་ལགས་པས་རྒྱལ།། མགོན་པོས
433b6 ཁྱབ་འཇུག་མངའ་ཡིས་བསྣུན།། ལྷ་ཆེན་འགྲིན་པ་སྔོན་གྱུར་པས།། ལྷ་འདི་གཉིས་ལ་གནོད་བགྱིད་མཆིས།། མགོན་ཁྱོད་གནོད་བགྱིད་བྲལ་བ་ལགས།། ཁྱབ་འཇུག
433b7 མིའུ་ཐུང་གཟུགས་བསྒྱུར་ནས།། གཡོ་ཐབས་ཀྱིས་ནི་སྟོབས་ལྡན་བསླུས།། ཁྱོད་ནི་གཡོ་ཡང་ངོ་ཟིན་ལ།། གཞན་དག་ལ་ཡང་སྲུ་མི་མཛད།། མགོན་ཁྱོད་རྫུ
433b8 འཕྲུལ་ཙམ་རླང་གྱི།། སླད་བྱུང་གང་གིས་མཐོང་བ་དེས།། ཁྱབ་འཇུག་འཇིག་རྟེན་གསུམ་རྒལ་བ།། འཕྱེ་བོ་མཆི་བ་བཞིན་དུ་མཐོང་།། གཞོན་དུ་ཚངས་པར་སྤྱོད
iiif viewer powered by OpenSeadragon
