| e-texts navigator |
| Wylie |
433a1 རབ་ཏུ་ཞི་བགྱིད་ལྟར།། ཁྱོད་ཀྱི་ཡོན་ཏན་ཆ་ཙམ་མ་སྒྲོགས་ཀྱང་།། བདག་ནི་མཆོག་ཏུ་བློ་བ་དགའ་ཞིང་མཆིས།། བདག་གིས།།
433a2 ཐུབ་ལ་དད་པས་སྤོབས་སྐྱེས་པའི།། དགེ་བའི་ལས་འདིའི་འབྲས་བུ་འཁྲུངས་པ་ཡིས།། ངན་རྟོག་རླུང་དམར་འཚུབ་པས་དཀྲུགས་པ་ཡི།། འགྲོ་བའི་སེམས་ནི་རྣལ་དུ
433a3 གནས་པར་ཤོག། སངས་རྒྱས་བཅོམ་ལྡན་འདས་ལ་བསྟོད་པ། དད་པ་ལས་སྤོབས་པ་སྐྱེས་པ་ཞེས་བྱ་བ་ལས། བུ་ལོན་མེད་པར་བསྟོད་པའི་ལེན་ས
433a4 གསུམ་པའོ།། །། སངས་རྒྱས་བཅོམ་ལྡན་འདས་ལ་བསྟོད་པ། དད་པ་ལས་སྤོབས་པ་སྐྱེས་པ་ཞེས་བྱ་བ། སློབ་དཔོན་མ་གོལ་གྱིས་མཛད་པ་རྫོགས་སྷོ།། །
433a5 རྒྱ་གར་གྱི་མཁན་པོ་ས་རྦད་ཉིདེ་བ་དང་། ལོ་ཚ་བ་བན་དེ་རིན་ཆེན་མཆོག་གིས་བསྒྱུར་ཅིང་། ཞུ་ཆེན་གྱི་ལོ་ཚ་བ་བན་དེ་དཔལ་བརྩེགས་ཀྱིས་ཞུས་ཏེ་གཏན་ལ་ཕབ་པ།།
433a6 ། རྒྱ་གར་སྐད་དུ། བི་ཤེ་ཤ་སྟ་པ། བོད་སྐད་དུ། ཁྱད་པར་དུ་འཕགས་པར་བསྟོད་པ། དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ།། བདག
433a7 ནི་བསྟོད་པ་གཞན་སྤངས་ནས།། བཅོམ་ལྡན་ཁྱོད་ལ་སྐྱབས་མཆིས་པ།། དེ་ཅིའི་སླད་དུ་ཞེ་ན་ཁྱོད།། སྐྱོན་མི་མངའ་ལ་ཡོན་ཏན་ལྡན།། གང་ཕྱིར་འཇིག་རྟེན་སྐྱོན་ལ་དགའ།
433a8 ཡོན་ཏན་འཛིན་ལ་ཞན་པས་ན།། སྐྱོན་ཡང་ཡོན་ཏན་ལྟར་བརྩིས་ནས།། གཞན་ལ་སྐྱབས་སུ་མཆི་བར་གྱུར།། ཁྱབ་འཇུག་དབང་ཕྱུག་ལ་སོགས་པ།། དེ་ལ་སྐྱེ་བོ
iiif viewer powered by OpenSeadragon
