| e-texts navigator |
| Wylie |
401a1 སྒྲ་སྒྲོགས་ལ།། གླང་པོ་དྲེགས་དང་ངང་པའི་སྟབས་སུ་གཤེགས།། བདུད་རྩི་ཆེན་པོ་ཐུགས་ཆུད་ཡོངས་རྫོགས་བརྙེས།
401a2 གསེར་བཞིན་རྟག་ཏུ་དགྱེས་པའི་བརྒྱན་མངའ་བ།། རི་བོ་གྲུ་འཛིན་ན་ནི་དགྱེས་པར་བཞུགས།། ། འཕགས་པ་སྤྱན་རས་གཟིགས་དབང་ཕྱུག་ལ་ས་གསུམ་གྱིས
401a3 བསྟོད་པ། དགེ་སློང་མས་མཛད་པ་རྫོགས་སྷོ།། @#།། རྒྱ་གར་སྐད་དུ། བ་ར་ཏྲར་ཧ་པ་ར་ཎེ་བྷ་ག་བ་ཏེ་བུདྡྷ་སྟད་ཏེ། མུར
401a4 དྷ་ཨ་བི་ཤེ་ཀོ་ན་མ། བོད་སྐད་དུ། སངས་རྒྱས་བཅོམ་ལྡན་འདས་ལ་བསྟོད་པ། བསྔགས་པར་འོས་པ་བསྔགས་པ་ལས་ཕྱག་འཚལ་བ་ཞེས་བྱ་བ།། བཅོམ་ལྡན་ཁྱོད་ནི
401a5 ཞལ་བཞུགས་ཚེ།། བདག་ནི་དད་དབང་གཞོལ་གྱུར་པ།། གང་སླད་ཐུགས་རྗེས་བརླན་པ་ཡི།། སངས་རྒྱས་སྤྱན་གྱིས་གཟིགས་མཛད་པ།། ཁྱོད་ཀྱིས་ཐུགས་རྗེ་དེ་ཉིད་ནི།།
401a6 ཡིད་ལ་མཆིས་མངོན་བགྱིས་ནས།། ཕྱག་བགྱི་འོས་པ་ཁྱོད་ལ་བདག། མངོན་སུམ་བཞིན་དུ་ཕྱག་འཚལ་ལོ།། ཀུན་མཁྱེན་མ་ལགས་གང་གིས་ཀྱང་།། ཀུན་མཁྱེན་ཁྱོད་སྐུ
401a7 ཇི་ལྟར་རྟོགས།། བདག་ཉིད་ཚེ་རྒྱས་བདག་ཉིད་ཀྱིས།། མཁྱེན་པ་ཁྱོད་ལ་ཕྱག་འཚལ་ལོ།། འདི་ལགས་འདི་འདྲའོ་ཞེས་བགྱིར་ཁྱོད།། བདག་འདྲ་བ་ཡི་ཡུམ་མ་ལགས།།
401a8 གང་ལགས་གང་འདྲའང་མི་སྔོ་སྟེ།། ཁྱོད་འདྲ་བ་ལ་ཕྱག་འཚལ་ལོ།། མགོན་པོ་ཁྱོད་ནི་ཉིད་དང་འདྲ།། རྒྱལ་རྣམས་ཅི་འདྲ་ཁྱོད་དང་འདྲ།། གང་འདྲ་གཞན་འགའ་འང་མ
iiif viewer powered by OpenSeadragon
