| e-texts navigator |
| Wylie |
242a1 ལྷ་རྣམས་ཏེ། འདི་ནི་སེམས་ཅན་གྱི་གནས་བརྒྱད་པའོ།། སེམས་ཅན་གཟུགས་མེད་པ་ཐམས་ཅད་དུ་ཅི་ཡང་མེད་པའི་སྐྱེ་མཆེད་ལ།
242a2 ཡང་དག་པར་འདས་ནས། འདུ་ཤེས་མེད་འདུ་ཤེས་མེད་མིན་སྐྱེ་མཆེད་སྒྲུབས་ནས་གནས་པ་དག་ཡོད་དེ། འདི་ལྟ་སྟེ་འདུ་ཤེས་མེད་འདུ་ཤེས་མེད་མ་ནི་སྐྱེ་མཆེད་དུ་ཉེ
242a3 བར་འགྲོ་བའི་ལྷ་རྣམས་ཏེ། འདི་ནི་སེམས་ཅན་གྱི་གནས་དགུ་པའོ།། སྟོང་ཆུང་ངུའི་འཇིག་རྟེན་གྱི་ཁམས་ན་མི་དགེ་བཅུའི་ལས་ཀྱི་ལོམ་དག་ཡོད་དེ། སྲོག་ཅོད་པ་དང
242a4 མ་སྦྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། རྫུན་དུ་སྨྲ་བ་དང་། ཕྲ་མ་དང་། ངག་རྩུབ་པོ་དང་། ཚིག་རྐྱལ་བ་དང་། རྣབ་སེམས་དང་། གནོད་སེམས
242a5 དང་། ལོག་པར་ལྟ་བ་རྣམས་སོ།། སྲོགཅོད་པ་ཤས་ཆེར་ཀུན་དུ་སྟེན་ཅིང་སྒོམས་ཏེ། ལན་མང་དུ་བྱས་པས་ནི་སེམས་ཅན་དམྱལ་བ་ཆེན་པོ་མནར་མེད་པར་སྐྱེ་བར་འགྱུར་རོ།།
242a6 དེ་བས་ཆེས་ཤས་ཆུང་བ་དང་། དེ་བས་ཆེས་ཤེས་ཡང་བས་ནི་རབ་ཏུ་ཚ་བའོ།། དེ་བས་ཆེས་ཤེས་ཡང་བ་དང་། དེ་བས་ཆེས་ཡང་བ་ནི་ཚ་བའོ།། དེ་བས་ཆེས་ཤེས
242a7 ཆུང་བ་དང་། དེ་བས་ཆེས་ཡང་བས་ནི་ངུ་འབོད་ཆེན་པོའོ།། དེ་བས་ཤས་ཆུང་བ་དང་། དེ་བས་ཤས་ཡང་བས་ནི་ངུ་འབོང་དུའོ།། དེ་བས་ཤས་ཆུང་བ་དང་། དེ་བས
242a8 ཆེས་ཡང་བས་ནི་སྡུས་འཇོམས་སུའོ།། དེ་བས་ཤས་ཆུང་བ་དང་། དེ་བས་ཆེས་ཡང་བས་ནི་ཐིག་ནག་དུའོ།། དེ་བས་ཆེས་ཤས་ཆུང་བ་དང་། དེ་བས་ཆེས་ཡང་བ་ནི་སེམས
iiif viewer powered by OpenSeadragon
