| e-texts navigator |
| Wylie |
239b1 སྟོང་དང་། དྲོད་གཤེར་ལས་སྐྱེས་པ་སྟོང་དང་། རྫུས་ཏེ་སྐྱེས་པ་སྟོང་རྣམས།། སྟོང་སྤྱི་ཕུད་ཀྱི་འཇིག་རྟེན་གྱི་ཁམས་ན། ན་མཁའ་ལྡིང་གི་རིགས་བཞི་སྟོང་ཡོད་དོ།།
239b2 ནམ་མཁའ་ལྡིང་གི་རིགས་སྒོ་ང་ལས་སྐྱེས་པ་སྟོང་དང་། མངལ་ནས་སྐྱེས་པ་སྟོང་དང་། དྲོད་གཤེར་ལས་སྐྱེས་པ་སྟོང་དང་། རྫུས་ཏེ་སྐྱེས་པ་སྟོང་རྣམས་སོ།། སྟོང
239b3 སྤྱི་ཕུད་ཀྱི་འཇིག་རྟེན་གྱི་ཁམས་ན། རྒྱལ་པོ་ཆེན་པོ་བཞི་སྟོང་ཡོད་དེ། རྒྱལ་པོ་ཡུལ་འཁོར་སྲུང་སྟོང་དང་། འཕགས་སྐྱེས་པོ་སྟོང་དང་། མིག་མི་བཟང་སྟོང
239b4 དང་། རྣམ་ཐོས་ཀྱི་བུ་སྟོང་རྣམ་སོ།། སྟོང་སྤྱི་ཕུད་ཀྱི་འཇིག་རྟེན་གྱི་ཁམས་ན། འགྲོ་བ་ལྟ་བ་སྟོང་ཡོད་དེ། སེམས་ཅན་དམྱལ་བ་སྟོང་དང་། དུད་འགྲོ་དང་ཡི
239b5 དྭགས་དང་། ལྷ་དང་མིའི་འགྲོ་བ་སྟོང་རྣམས་སོ།། སྟོང་སྤྱི་བུད་ཀྱི་འཇིག་རྟེན་གྱི་ཁམས་ན། འདུན་ས་ཆེན་པོ་ཉིས་སྟོང་ཡོད་དེ། ལྷའི་འདུན་ས་ཆོས་བཟང
239b6 སྟོང་དང་། ལྷ་མ་ཡིན་གྱི་འདུན་ས་ནོར་བཟང་སྟོང་རྣམསོ། འཇིག་རྟེན་བཞག་པ་ལས་ཚིག་དང་པོའོ།། སྡོམ་ལས། སྐྱེ་ནས་རི་དང་རོལ་མཚོ་དང་། དེ་བཞིན
239b7 སེམས་ཅན་དམྱལ་རྒྱད་གཞན། སེམས་ཅན་གནས་དགུར་རབ་བཤད་དེ། ལས་ལམ་ཅུ་པོ་དེ་བཞིན་ནོ།། སྟོང་སྤྱི་བུད་ཀྱི་འཇིག་རྟེན་གྱི་ཁམས་ན། འདོད་པའི
239b8 སྐྱེ་གནས་གསུམ་ཡོད་དེ། གསུམ་གང་ཞེ་ན། སེམས་ཅན་འདོད་པ་ཉེ་བར་གནས་པ་དག་ཡོད་དེ། གང་དག་འདོད་པས་ཉེ་བར་གནས་པ་རྣམས་ལ་དབང་ཕྱུག
iiif viewer powered by OpenSeadragon
