| e-texts navigator |
| Wylie |
181a1 འབྱུང་བར་འགྱུར་བ་དང་། ཡི་དགས་སུ་སྐྱེ་བར་མི་འགྱུར་བ་དང་། ལོངས་སྤྱོད་ཆེ་བར་འགྱུར་བ་དང་། མཐོ་རིས་སུ་སྐྱེ
181a2 བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདས་པ་སྟེ། བཅུ་པོ་དེ་དག་སྐོམ་སྦྱིན་པའི་ཕན་ཡོན་ནོ།། རབ་ཏུ་བྱུང་བའི་ཕན་ཡོན་བཅུ་སྟེ། བཅུ་གང
181a3 ཞེ་ན། དེ་བུ་དང་ཆུང་མ་དང་། ནོར་ལ་སྲིད་པར་མི་འགྱུར་བ་དང་། དེ་འདོད་པ་ཡོངས་སུ་འཛིན་པར་འགྱུར་བ་དང་། དགོན་པར་གནས་པ་ལ་དགའ་བར་རྙེད་པ
181a4 དང་། སངས་རྒྱས་ལ་གུས་པར་འགྱུར་བ་དང་། བདུད་ཀྱི་སྤྱོད་ཡུལ་རྣམ་པར་སྤོང་བ་དང་། བདེ་འགྲོ་ཐོབ་པར་བྱེད་པའི་ཆོས་ཚེམས་ཡོངས་སུ་ཚོལ་བ་དང་།
181a5 ངན་འགྲོ་ཐོབ་པར་བྱེད་པའི་ཆོས་རྣམས་རྣམ་པར་སྤོང་བ་དང་། ལྷ་དང་མིར་སྨོན་པ་དང་། རྟག་ཏུ་དེ་བཞིན་གཤེགས་པའི་གསུང་རབ་ལ་རབ་ཏུ་བྱུང་བ་རྙེད་པ་དང་།
181a6 མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ། བཅུ་པོ་དེ་དག་ནི་རབ་ཏུ་འབྱུང་བའི་ཕན་ཡོན་ཡིན་ནོ།། དགོན་པ་ལ་གནས་པའི
181a7 ཕན་ཡོན་བཅུ་སྟེ། བཅུ་གང་ཞེ་ན། འདུ་འཛི་རྣམ་པར་སྤོང་བ་དང་། རབ་ཏུ་དབེན་པ་ལ་བསྟེན་པ་དང་། དེའི་སེམས་བསམ་གཏན་དམིགས་པར་འགྱུར་བ་དང་། སངས།
181a8 རྒྱས་རྣམས་ལ་སྨོན་པ་དང་། དགའ་བ་དང་། བདེ་བ་དང་། ཡིད་བདེ་བ་ལུས་ལ་སྐྱེད་པ་དང་། དེ་ལ་བར་དུ་སྤྱོད་པ་མི་འབྱུང་བ་དང་། ཇི་ལྟར་ཐོས་པའི་ཆོས་ཀྱི་དོན་རྒྱ་ཆེར་ཤེས
iiif viewer powered by OpenSeadragon
