| e-texts navigator |
| Wylie |
165b1 མ་བྱིན་པར་ལེན་པ་ཡང་དག་པར་འཛིན་དུ་འཇུག་པ་དང་། མ་བྱིན་པ་ལེན་པའི་བསྔགས་པ་སྨྲ་བ་དང་། མ་བྱིན་པར་ལེན་པ་ལ་རྗེས་སུ་ཡི་རང་བ་དང་། ཕ་མའི་འཚོ་བའི་རྒྱུན
165b2 གཅོད་པ་དང་། འཕགས་པ་རྣམས་ཀྱི་འཚོ་བའི་རྒྱུན་གཅོད་པ་དང་། ཕ་རོལ་གྱི་རྙེད་པའི་བར་ཆད་བྱེད་པ་དང་། མུ་གེ་བྱུང་ན་དགའ་བ་དང་བཅུ་སྟེ། ཆོས་བཅུ་པོ་དེ་དག་ནི
165b3 ལོངས་སྤྱོད་ཆུང་བར་འགྱུར་བ་སྟེ། ལས་འདི་ནི་ལོངས་སྤྱོད་ཆུང་བར་འགྱུར་བའོ།། དེ་ལ་ལོངས་སྤྱོད་ཆེན་པོར་འགྱུར་བའི་ལས་གང་ཞེ་ན། ལོངས་སྤྱོད་ཆེན་པོར་འགྱུར་བའི
165b4 ཆོས་བཅུ་སྟེ། བཅུ་གང་ཞེ་ན། མ་བྱིན་པར་ལེན་པ་སྦྱོང་བ་ལ་ཡང་དག་པར་འཛིན་དུ་འཇུག་པ་དང་། མ་བྱིན་པར་ལེན་པ་སློང་བའི་བསྔགས་པ་སྨྲ་བ་དང་། མ་བྱིན་པ
165b5 ལེན་པ་སྤོང་བ་ལ་རྗེས་སུ་ཡི་རང་བ་དང་། བ་མ་ལ་འཚོ་བ་སྦྱིན་པ་དང་། འཕགས་པ་རྣམས་ལ་འཚོ་བ་སྦྱིན་པ་དང་། ཕ་རོལ་གྱི་རྙེད་པ་ལ་ཡིད་དགའ་བ་དང་།
165b6 ཕ་རོལ་གྱི་རྙེད་པ་ལ་བར་ཆད་མི་བྱེད་པ་དང་། ལོ་ལེགས་ནི་མངོན་པར་དགའ་བ་དང་བཅུ་སྟེ། ཕ་རོལ་གྱི་རྙེད་པ་ལ་དགའ་བ་བཅུ་པོ་དེ་དག་ནི་ལོངས་སྐྲོད་ཆེན་པོར་འགྱུར
165b7 བ་སྟེ། ལས་འདི་ནི་ལོངས་སྤྱོད་ཆེན་པོར་འགྱུར་བའོ།། དེ་ལ་ཤེས་རབ་འཆལ་བར་འགྱུར་བའི་ལས་གང་ཞེ་ན། ཤེས་རབ་འཆལ་བར་འགྱུར་བའི་ཆོས་བཅུ་སྟེ།
165b8 བཅུ་གང་ཞེ་ན། འདི་ལ་གང་ཟག་བྲམ་ཟེ་དང་། བྲམ་ཟེ་མཁས་པ་མཁས་པའི་གྲངས་སུ་བརྟོགས་པ་གང་གི་གན་དུ་འགྲོ་ཡང་། ཡོངས་སུ་མི་འདྲི་བར་བྱེད། མི་བསྙེན
iiif viewer powered by OpenSeadragon
