| e-texts navigator |
| Wylie |
163a1 ནྱ། སྣང་ཏེ། འདི་ནི་མདོར་བསྟན་པའོ།། དེ་ལ་ཚེ་ཐུང་བར་འགྱུར་བའི་ལས་བཅུ་སྟེ། བཅུ་གང་ཞེ་ན། སྲོག་བཅོད་པ་དང་། སྲོག་བཅོད་པར
163a2 འཛིན་དུ་འཇུག་པ་དང་། སྲོག་བཅོད་པའི་བསྔགས་པ་སྨྲས་པ་དང་། སྲོག་བཅོད་པ་ལ་རྗེས་སུ་ཡིད་རང་བ་དང་། མངལ་ནས་ཟག་པར་བྱ་བ་ཡང་དག་པར་འཛིན་དུ་བཅུག་པ་དང་།
163a3 མི་འཛའ་བ་ཤིན་ཏུ་ཡིད་དགའ་བ་དང་། གང་དུ་སྲོག་ཆགས་མང་པོ་བཅོད་པའི་ལྷ་རྟེན་འཇུག་པ་དང་། གཡུལ་འགྱེད་པ་ལ་ལྟ་བ་དང་བཅུ་སྟེ། ཆོས་བཅུ་པོ་དེདག་ནི་ཚེ་ཐུང་བར་འགྱུར་བ་སྟེ།
163a4 ལས་འདི་ནི་ཚེ་ཐུང་བར་འགྱུར་རོ།། དེ་ལ་ཚེ་རིང་བར་འགྱུར་བའི་ལས་གང་ཞེ་ན། ཚེ་རིང་བར་འགྱུར་བའི་ཆོས་བཅུ་སྟེ། བཅུ་གང་ཞེ་ན། སྲོག་བཅོད་པ་སྤོང་བ་དང་། སྲོག་བཅོད་པ་སྤོང
163a5 བ་ལ་ཡང་དག་པར་འཛིན་དུ་འཇུག་པ་དང་། སྲོག་བཅོད་པ་སྤོང་བའི་བསྔགས་པ་སྨྲ་བ་དང་། སྲོག་བཅོད་པའི་སྤོང་བ་ལ་རྗེས་སུ་ཡི་རང་བ་དང་། གསད་པ་ལ་ཐུག་པའི་གང་ཟག
163a6 རྣམས་རབ་ཏུ་ཐར་བར་བྱེད་པ་དང་། དུད་འགྲོའི་སྐྱེ་གནས་སུ་གྱུར་པའི་སྲོག་ཆགས་གསད་པར་ཆད་པ་རབ་ཏུ་ཐར་བར་བྱེད་པ་དང་། འཇིགས་སྐྲག་པ་རྣམས་ལ་མི་འཇིགས་པ་སྦྱིན
163a7 པ་དང་། མགོན་མེད་པ་རྣམས་ལ་སྙིང་རྗེ་བའི་སེམས་དང་ལྡན་པ་དང་། ནད་པ་ལ་བྱམས་པ་ཉེ་བར་བསྒྲུབ་པ་དང་། ལེན་པ་རྣམས་ལ་ཟས་སྦྱིན་པའོ།། ཆོས་བཅུ་པོ་དེ་དག
163a8 ནི་ཚེ་རིང་བར་འགྱུར་བ་སྟེ། ལས་འདི་ནི་ཚེ་རིང་བར་འགྱུར་རོ།། དེ་ལ་ནང་མང་བར་འགྱུར་བའི་ལས་གང་ཞེ་ན། ནད་མང་བར་འགྱུར་བའི་ཆོས་བཅུ་སྟེ། བཅུ་གང་ཞེ་ན། ཁུ་ཚུར་དང་།
iiif viewer powered by OpenSeadragon
