| e-texts navigator |
| Wylie |
162b1 སེར་སྣ་ཅན་དུ་འགྱུར་བའི་ལས་ཀྱང་ཡོད། གང་ཟག་ལ་ལ་ཚེ་ཟད་པར་གྱུར་ལ་ལས་མ་ཟད་པའི་ལས་ཀྱང་ཡོད། གང་ཟག་ལ་ལ་ལས་ཟད་པར་གྱུར་ལ། ཚེ་མ་ཟད་པའི་གང་ཟག་ཀྱང་ཡོད།།
162b2 གང་ཟག་ལ་ལ་ཡང་ཚེ་ཡང་ཟད་པར་གྱུར་ལ། ལས་ཀྱང་ཟད་པའི་གང་ཟག་ཀྱང་ཡོད། གང་ཟག་ལ་ལ་ཚེ་ཡང་ཟད་ཅིང་ལས་ཀྱང་མ་ཟད་ལ། དེའི་ཉོན་མོངས་པ་རྣམས་ཟད་པའི
162b3 གང་ཟག་ཀྱང་ཡོད། ལུས་བདེ་བར་གྱུར་ལ། སེམས་བདེ་བ་མ་ཡིན་པའི་གང་ཟག་ཀྱང་ཡོད། སེམས་བདེ་བར་གྱུར་ལ། ལུས་བདེ་བ་མ་ཡིན་པའི་གང་ཟག་ཀྱང་ཡོད།།
162b4 ལུས་བདེ་བར་འགྱུར་ལ། སེམས་ཀྱང་བདེ་བའི་གང་ཟག་ཀྱང་ཡོད། ལུས་ཀྱང་མི་བདེ་བར་འགྱུར་ལ། ལས་གང་དག་དང་ལྡན་ན་གང་ཟག་ཐོ་རིས་རྣམས་སུ་སྐྱེས་ལ། གཟུགས
162b5 བཟང་བ་དང་། ལྟ་ན་སྡུག་པ་དང་། མཛེས་པ་དང་། མདོག་སྣུམ་པ་དང་། པགས་པ་སྣུམ་པ་དང་། མིག་ཏུ་སྡུག་པའི་ལས་ཀྱང་ཡོད། ལས་གང་དང་ལྡན་ན། གང་ཟག་ངན་སོང
162b6 རྣམས་སུ་སྐྱེས་ལ། མདོག་མི་སྡུག་པ་དང་། ལུས་རྩུབ་པ་དང་། ལྟ་ན་མི་སྡུག་པ་དང་། མཐོང་ན་སྐྱི་གཡའ་བར་འགྱུར་བའི་ལས་ཀྱང་ཡོད། ལས་གང་དག་དང་ལྡན་ན་གང་ཟག
162b7 ངན་སོང་རྣམས་སུ་སྐྱེས་ལ། དྲི་མི་ཞིམ་པ་དང་། དབང་པོ་མི་གསལ་བ་དང་། དབང་པོ་ཞན་པར་འགྱུར་བའི་ལས་ཀྱང་ཡོད། བྲམ་ཟེའི་ཁྱེའུ་མི་དགེ་བའི་ལས་བཅུ་པོ་དག་ཡང
162b8 དག་པར་བླངས་པའི་རྒྱུས། ཕྱི་རོལ་གྱི་དངོས་པོ་བཅུ་སྣང་། དགེ་བ་བཅུའི་ལས་ཀྱི་ལམ་རྣམས་ཡང་དག་པར་བླངས་པའི་རྒྱུས་ཕྱི་རོལ་གྱི་དངོས་པོ་བཅུ་ཕུན་སུམ་ཚོགས་པར
iiif viewer powered by OpenSeadragon
