| e-texts navigator |
| Wylie |
160b1 རིང་པོ་ནས་འོང་བ་གཟིགས་སོ།། གཟིགས་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱོད་ཀྱིས། ཏོའུ་དེ་ཡའི་བུ་བྲམ་ཟེའི་ཁྱེའུ་ནེ་ཙེ་རྒྱང་རིང
160b2 རིང་པོ་ནས་འོང་བར་མཐོང་ངམ། བཙུན་པ་དེ་ལྟ་ལགས་སོ།། གལ་ཏོའུ་དེ་ཡའི་བུ་བྲམ་ཟེའི་ཁྱེའུ་ནེ་ཙེས། འདི་མཆི་བའི་ཚེ་མཆི་བའི་དུས་བྱས་པར་གྱུར་ན།
160b3 དཔེར་ན་མདའ་སྟེའུ་ཀ་མ་འཕངས་པ་བཞིན་དུ། བདེ་འགྲོ་མཐོ་རིས་འཇིག་རྟེན་དུ། ལྷ་རྣམས་ཀྱི་ནང་དུ་སྐྱེ་བར་འགྱུར་ཏེ། འདི་ལྟར་དེས། ང་ལ་སེམས
160b4 དད་པ་བྱས་པའི་ཕྱིར་རོ།། དེ་ནས་སེམས་དག་པའི་རྒྱུས་དེ་ལྟར་འདི་ན་སེམས་ཅན་ཁོ་ཅིག་ལུས་ཞིག་ནས་བདེ་འགྲོ་མཐོ་རིས་ཀྱི་འཇིག་རྟེན་དུ། ལྷ་རྣམས་ཀྱི་ནང་དུ
160b5 སྐྱེ་བར་འགྱུར་རོ།། དེ་ནས་དགེ་སློང་ཞིག་གིས་དེའི་ཚེ་ཚིགས་སུ་བཅད་དེ་སྨྲས་པ།། འདི་ནི་གང་ཟག་ཁ་ཅིག་ནི།། རབ་ཏུ་སེམས་དད་གྱུར་གཟིགས་ནས།། སྟོན་པས
160b6 དགེ་སློང་ཚོགས་རྣམས་ལ།། དོན་འདི་ཉིད་ནི་ལུང་བསྟན་ཏོ།། ང་ནི་མཆི་བའི་དུས་བྱེད་ན།། དེའི་སེམས་ནི་དད་པའི་ཕྱིར།། ལྷའི་ནང་དུ་སྐྱེ་བར་འགྱུར།། དེ་བཞིན
160b7 གཤེགས་ལ་ལེགས་དད་པ།། དེའི་རྒྱུས་ན་སེམས་ཅན་རྣམས།། དཔེར་ན་མདའ་ནི་འཕངས་བཞིན་ཏེ།། དེ་ལྟར་བདེ་འགྲོར་འགྲོ་བར་འགྱུར།། དེ་ནས་ཏོའུ
160b8 དེ་ཡའི་བུ། བྲམ་ཟེའི་ཁྱེའུ་ནེ་ཙོས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་དང་ལྷན་ཅིག་ཏུ། མངོན་པར་དུ་དགའ་བར
iiif viewer powered by OpenSeadragon
