| e-texts navigator |
| Wylie |
160a1 བྲམ་ཟེའི་ཁྱེའུ་ནེ་ཙོས། བཅོམ་ལྡན་འདས་ཀྱིས་གསུངས་པ་བཟུང་སྟེ། ཀུན་ཆུབ་པར་བྱས་ནས། རང་གི་ཁྱིམ་ག་ལ་བ་དེར་སོང
160a2 སྟེ་ཕྱིན་པ་དང་། ཁྱི་དུང་ལ་འདི་སྐད་ཅེས་སྨྲས་སོ།། གལ་ཏེ་ཁྱི་དུང་ཁྱོད་ཚེ་སྔ་མ་ལ་ཏོའུ་དེ་ཡར་གྱུར་པ་ལྟ་ན། རས་གོ་ནི་ཀ་བཏིང་བའི་ཁྲི་ལ་འདུག་ཤིག། ཁྲི་ལ།
160a3 འདུག་ནས། དེ་ལ་འདི་སྐད་ཅེས་སྨྲས་སོ།། གལ་ཏེ་ཁྱི་དུང་ཁྱོད་ཚེ་སྔ་མ་ལ་ངའི་ཕ་ཏོའུ་དེ་ཡར་གྱུར་པ་ལྟ་ན། ཁྱོད་འཆི་བའི་དུས་ཀྱི་ཚེ། བདག་དབང་གང་ཡོད
160a4 པ་དེ་ལ་མ་བསྟན་པ་དེ་སྟོན་ཅིག། དེ་ནས་ཁྱི་དུང་རས་གཽ་ནི་ཀ་བཏིང་བའི་ཁྲི་ལས་བབས་སོ།། གནས་ཁྱིམ་རྙིལ་ཞིག་ཡོད་པ་ག་ལ་བ་དེར་སོང་སྟེ་ཕྱིན་པ་དང་།
160a5 ཁྲིའི་རྐང་པ་བཞིའི་གནས་སུ་ནི། རྐང་ལག་གི་སྡེར་མོས་འབྲུའོ།། དབུས་སུ་གནས་སྡོམ་མོ།། ཏོའུ་དེ་ཡིའི་བུ། བྲམ་ཟེའི་ཁྱེའུ་ནེ་ཙོས། དེ་ནས་གསེར་དངུལ
160a6 རྡངས་དང་། སིལ་མ་ལྗགས་བཟངས་བཞི་དང་། དབུས་ནས་བསེར་གྱི་ཁར་བ་དང་རིལ་བ་རྙེད་དོ།། དེ་ནས་ཏོའུ་དེ་ཡའི་བུ། བྲམ་ཟེའི་ཁྱེའུ་ནེ་ཙོས་གསེར་དེ
160a7 སྦས་ནས། དགའ་མགུ་ཞིང་རབ་ཏུ་དགའ་སྟེ། རངས་ནས་དགའ་བ་དང་། ཡིད་བདེ་བ་སྐྱེས་ཏེ། མཉན་ཡོད་ནས་བྱུང་ནས། བཅོམ་ལྡན་འདས་ག་ལ་བ་དེར་སོང་ངོ་།། །
160a8 དེའི་ཚེ་བཅོམ་ལྡན་འདས། དགེ་སློང་གི་འཁོར་བརྒྱ་ཕྲག་དུ་མའི་མདུན་ན་ཆོས་སྟོན་ཅིང་བཞུགས་ཏེ། བཅོམ་ལྡན་འདས་ཀྱིས་ཏོའུ་དེ་ལའི་བུ་བྲམ་ཟེའི་ཁྱེའུ་ནེ་ཙེ་རྒྱང
iiif viewer powered by OpenSeadragon
