| e-texts navigator |
| Wylie |
158a1 བ་ལས་འའུ་ཞེས་ཟུགས་པར་གྱུར་ནས། དེས་ཀྱང་མ་དུལ་ལམ། འདི་སྐད་ཅེས་བཀའ་སྩལ་པ་དང་། ཁྱི་དུང་འཁྲོས་འཁྲུགས།
158a2 ཚིག་པ་ཟོས་ཏེ། ཡི་མ་རངས་ནས། རས་གོ་ནི་ཀ་བཏིང་བའི་ཁྲི་ལས་བབས་ཏེ། ཁྲིའི་འོག་ན་སྟོར་ཁུང་གི་ཤིང་གི་ཝ་ལ་འདུག་གོ།། དེ་ནས་བྲམ་ཟེའི་ཁྱེའུ་ནེ་ཙོ་ཁྲོས་འཁྲུག
158a3 ཚིག་པ་ཟོས་ཏེ། ཡི་མ་རངས་ནས། མཉན་ཡོད་ན་བྱང་སྟེ། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ག་ལ་བ་དེར་སོང་ངོ་།། དེའི་ཚེ་བཅོམ་ལྡན
158a4 འདས། དགེ་སློང་བརྒྱ་ཕྲག་དུ་མའི་འཁོར་གྱི་མདུན་ནི་ཆོས་སྟོན་ཅིང་བཞུགས་ཏེ། བཅོམ་ལྡན་འདས་ཀྱིས། ཏོའུ་དེ་ཡའི་བུ་བྲམ་ཟེའི་ཁྱེའུ་ནེ་ཙོ་རྒྱང་རིང་པོ་ནས་འོངས་པ
158a5 གཟིགས་སོ།། གཟིགས་ནས་ཀྱང་། དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱེད་ཀྱིས་ཏོའུ་དེ་ཡའི་བུ། བྲམ་ཟེའི་ཁྱེའུ་ནེ་ཙོ་རྒྱང་རིངས་པོ་ནས་འོངས་པ་མཐོང
158a6 དམ། བཙུན་པ་དེ་ལྟ་ལགས་སོ།། གལ་ཏེ་ཏོའུ་དེ་ཡའི་བུ། བྲམ་ཟེའི་ཁྱེའུ་ནེ་ཙོ་འདིའི་ཚེ་འདི་འཇིག་པའི་དུས་བྱས་པར་གྱུར་ན་ནི། ལུས་ཞིག་ནས་ཤི་བའི་འོག་ཏུ། དཔེར
158a7 ན་མདའ་སྟེའུ་ཀ་མ་འཕངས་པ་བཞིན་དུ། ངན་སོང་ངན་འགྲོ་ལོག་པར་ལྟུང་བ། སེམས་ཅན་དམྱལ་བ་རྣམས་སུ་སྐྱོ་བར་གྱུར་ཏེ། འདི་ལྟར་འདི་སང་ལ། སེམས་རབ་ཏུ
158a8 ཁྲོས་པའི་ཕྱིར་རོ།། སེམས་རབ་ཏུ་ཁྲོས་པའི་རྒྱུས། དེ་ལྟར་འདི་ནི་སེམས་ཅན་ཁ་ཅིག། ལུས་ཞིག་ནས་ཤི་བའི་འོག་ཏུ། ངན་སོང་ངན་འགྲོ་ལོག་པར་ལྟུང་བ།
iiif viewer powered by OpenSeadragon
