| e-texts navigator |
| Wylie |
61b1 ལོ་བཅུ་གཉིས་ཀྱི་བར་དུ་ཆར་མི་འབབ་པའི་རྒྱུ་སྐར་མངན་པ་ཅིག་བྱུང་བར་གྱུར་ཏོ།། དེའི་ཚེ་བྲམ་ཟེ་ཚོན་ཉིད་འདོན་པ་དང་། བལྟས་ངན་པ་དང་། བོས་པ་རྣམས་དང་།
61b2 བར་སྣང་གི་རྒྱུ་སྐར་དང་བཟའ་དང་། བ་སངས་རྒྱུ་བདག་དེ་ཐམས་ཅད་ཀྱི་མཉཚན་ཉིད་ཤེས་པར་བྱས་ནས། རྒྱལ་པོ་གསེར་མདོག་ག་ལ་བ་དེར་སོང་སྟེ་ཕྱིན་ནས། རྒྱལ་པོ
61b3 གསེར་མདོག་ལ་འདི་སྐད་ཅེས་སྨྲས་སོ།། ལྷ་མཁྱེན་པར་མཛོད་ཅིག། དགུང་ལོ་བཅུ་གཉིས་ཀྱི་བར་དུ་ཆར་མི་དབབ་པའི་རྒྱུ་སྐར་ངན་པ་དེ་བྱུང་བར་གྱུར་ཏོ།། དེ་ནས
61b4 རྒྱལ་པོ་གསེར་མདོག་གིས་དངོས་པོ་བསྒྲགས་པ་དེ་ཐོས་ནས།། རབ་ཏུ་ངུས་ཏེ་མཆི་མ་བྱུང་ནས།། ཨེ་མའོ།། ངའི་འཛམ་བུའི་གླིང་གི་མི་རྣམས། ཨེ་མའོ་ཨེ་མའོ།།
61b5 ངའི་འཛམ་བུ་གླིང་འབྱོར་པ། རྒྱས་པ་དང་། བདེ་བ་དང་། ལོ་ལེགས་པ་དང་། ཉམས་དགའ་ཞིང་སྐྱེ་བོ་དང་མི་མང་པོས་གང་བ་རྣམས། རིང་པོ་མི་ཐོགས་པ་ཉིད་དུ་སྟོངས
61b6 ཤིང་མི་དང་འབྲལ་བར་འགྱུར་རོ།། དེ་ནས་རྒྱལ་པོ་གསེར་མདོག་ཡུད་ཙམ་ཞིག་མྱ་ངན་དང་། སྨྲེ་སྔགས་འདོན་པ་སངས་ནས། འདི་སྙམ་དུ་གྱུར་ཏེ། གང་འདི་ཕྱུག་ཅིང
61b7 ནོར་མང་བ་ལ་ལོངས་སྤྱོད་ཆེ་བ་འདི་དག་ནི་འཚོ་བར་ནུས་ཀྱི། གང་འདི་དབུལ་ཞིང་ནོར་ཉུང་ལ་བཟའ་བཏུང་དང་ལོངས་སྤྱོད་ཆུང་བ་དེ་དག་ནི། ཇི་ལྟར་བྱེད་ཅིང་དེ་འདི
61b8 སྙམ་དུ་གྱུར་ཏེ། བདག་གིས་ངེས་པར་འཛམ་བུའི་གླིང་གིས་པས་ལ། སོགས་པ་ཐམས་ཅད་བསྡུས་ཏེ། གྲོང་དང་གྲོང་ཁྱེར་དང་གྲོང་བརྡལ་དང་། རྒྱལ་པོའི་ཕོ
iiif viewer powered by OpenSeadragon
