| e-texts navigator |
| Wylie |
60a1 རིགས་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ་སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས
60a2 ཀྱི་སྟོན་པ། སངས་རྒྱས་བཅོམ་ལྡན་འདས་ཏེ། ལྷ་དང་བཅས་པའི་འཇིག་རྟེན་དང་། བདུད་དང་བཅས་པ་དང་། ཚངས་པ་དང་བཅས་པ་དང་། དགེ་སྦྱོང་དང་བྲམ་ཟེར་བཅས་པ་དང་།
60a3 ལྷ་དང་མིར་བཅས་པ་འདི་རྣམས། རང་གི་མངོན་པར་མཁྱེན་པས། མངོན་སུམ་དུ་མཁྱེན་པར་མཛད་ནས། དམ་པའི་ཆོས་སྟོན་ཏེ། ཐོག་མར་དགེ་བ་བར་དུ་དགེ་བ། དོན་བཟང་པོ།།
60a4 ཚིགས་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། རྣམ་པར་བྱང་བ། ཚངས་པར་སྤོད་པ། ཡང་དག་པར་རབ་ཏུ་སྟོན་ནོ།། དེ་ནས་བཅོམ་ལྡན
60a5 འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ཇི་ལྟར་ངས་སྦྱིན་པའི་འབྲས་བུ་དང་། སྦྱིན་པ་ལ་འགོད་པའི་རྣམ་པར་སྨིན་པ་ཤེས་པ་ལྟར། སེམས་ཅན་རྣམས་ཀྱིས
60a6 ཀྱང་སྦྱིན་པའི་འབྲས་བུ་དང་། སྦྱིན་པ་ལ་འགོད་པའི་རྣམ་པར་སྨིན་པ་ཤེས་པར་གྱིས་ཤིག། གང་འདི་ཁམས་ཕྱི་མའི་ཁམ་ཕྱི་མ་གཅིག་པོ་དེ་ཡང་གཞན་དག་དག་ལ། མ་བྱིན
60a7 མ་དགོས་པར་བདག་གིས་མི་བཟའ་བར་གྱིས་ཤིག། སེར་སྣའི་སེམས་ཀྱི་དྲི་མ་སྐྱེས་པས་ཀུན་ནས་དཀྲིས་ཏེ་མ་འདུག་ཅིག། དགེ་སློང་དག་གང་གི་ཕྱིར། ཇི་ལྟར་ངས་སྦྱིན
60a8 བའི་འབྲས་བུ་དང་། སྦྱིན་པ་ལ་འགོད་པའི་རྣམ་པར་སྨིན་པ་ཤེས་བལྟར། སེམས་ཅན་རྣམས་ནི་སྦྱིན་པའི་འབྲས་བུ་དང་། སྦྱིན་པ་ལ་འགོད་པའི་རྣམ་པར་སྨིན་པར་མ
60a9 ཤེས་ཏེ། དེ་ལྟ་བས་ན་སེམས་ཅན་རྣམས་གང་འདི་ཁམ་ཕྱི་མའི་ཁམ་ཕྱི་མ་གཅིག་པོ་དེ། ཡང་གཞན་དག་ལ་མ་བྱིན་མི་བགོས་པར། བདག་ཉིད་ཟ་བར་བྱེད།།
iiif viewer powered by OpenSeadragon
