| e-texts navigator |
| Wylie |
53b1 འདོད་པར་སྤྱོད་པའི་ལྷར་བཅས་ཏེ། ཐལ་མོ་རབ་སྦྱར་ཁྱོད་ལ་འདུད། མི་ཐོགས་ཡོངས་སུ་མྱ་ངན་འདའ། ཁྱོད་ལ་ཐ་མར་ལྟ་བ་ལགས། འཁོར་གྱི་བདག་པོ་ཚངས་པ་དང་།
53b2 ལྷ་རྣམས་ཀྱི་དབང་པོ་བརྒྱ་བྱིན་གྱིས་དེ་སྐད་ཅེས་གསོལ་ནས། བཅོམ་ལྡན་འདས་ཀྱི་ཞབས་གཉིས་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར
53b3 བ་བྱས་ནས། བཅོམ་ལྡན་འདས་ཀྱི་ཐད་ནས་ཞལ་དུ་ཕྱོགས་ཤིང་བལྟ་བས་དོང་སྟེ། མགོ་བོས་ཕྱག་འཚལ་ནས་དེ་ཉིད་དུ་མི་སྣང་བར་གྱུར་ཏོ།། དེ་ནས་བཅོམ་ལྡན་འདས
53b4 ཀྱིས་འཁོར་ཇི་ལྟར་ལྷགས་པ་བཞིན་དུ་ཐུགས་སུ་ཆུད་ནས་བསམ་པ་དང་། ཕྲག་རྒྱས་དང་། ཁམས་དང་། རང་བཞིན་རྣམ་པར་མཁྱེན་ཏེ། འཕགས་པའི་བདེན་པ་བཞི།
53b5 ཡང་དག་པར་རབ་ཏུ་རྟོགས་པར་བྱེད་པའི་ཆོས་བསྟན་པ་དེ་ལྟ་བུ་མཛད་པར་གྱུར་ཏེ། དེ་ཐོས་པ་ཁོ་ན་ལས་ཀཱ་ཤའི་གྲོང་ཁྱེར་ནས་སྐྱེས་པའི་གྱད་རྣམས་ཀྱང་ཁ་ཅིག་གིས་ནི།
53b6 དྲོ་བར་གྱུར་པའི་དགེ་བའི་རྩ་བ་དག་བསྐྱེད་དོ།། ཁ་ཅིག་གིས་ནི་རྩེ་མོ་དག་བསྐྱེད་དོ།། ཁ་ཅིག་གིས་ནི་བཟོད་པ་ཆུ་ངུ་དང་། འབྲིང་དག་བསྐྱེད་དོ།། ཁ་ཅིག་གིས་ནི
53b7 བདེན་པ་དང་། རྗེས་སུ་མཐུན་པའི་ཆོས་ཀྱི་མཆོག་རྣམས་བསྐྱེད་དོ།། ཁ་ཅིག་གིས་ནི་རྒྱུན་ཏུ་ཞུགས་པའི་འབྲས་བུ་མངོན་དུ་བྱས་སོ།། ཁ་ཅིག་གིས་ལན་ཅིག་ཕྱིར
53b8 འོང་བའི་འབྲས་བུ་མངོན་དུ་བྱས་སོ།། ཁ་ཅིག་གིས་ནི་ཕྱིར་མི་འོང་བའི་འབྲས་བུ་མངོན་དུ་བྱས་སོ།། ཁ་ཅིག་གིས་ནི་རབ་ཏུ་ཆུད་ནས། ཉོན་མོངས་པ་ཐམས
iiif viewer powered by OpenSeadragon
