| e-texts navigator |
| Wylie |
53a1 གྱི་ཆོ་འཕྲུལ་ཆེན་པོས་འདུན་པར་མཛད་ནས། རིང་པོ་མི་ཐོག་པར་དཔུང་པོའི་ལྷག་པ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན
53a2 ལས་འདའ་བར་འགྱུར་གྱིས། གང་འོ་ན་བདག་ཅག་དོན་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ། ཐ་མ
53a3 ལྟ་བའི་ཕྱིར་འདོང་ངོ་།། སྙམ་མོ་དེ་ནས་འཁོར་གྱི་བདག་པོ་ཚངས་པ་དང་། ལྷ་རྣམས་ཀྱི་དབང་པོ་བརྒྱ་བྱིན་རང་གི་རིས་ནས་མི་སྣང་བར་གྱུར་ཏེ། འདོད་པ་ན་སྤྱོད་པ་དང་།
53a4 གཟུགས་ན་སྤྱོད་པའི་ལྷ་རྣམས་དང་། ལྷན་ཅིག་བཅོམ་ལྡན་འདས་ཀྱི་སྤྱན་སྔར་འཁོད་དོ།། འཁོར་གྱི་བདག་པོ་ཚངས་པ་ཕྱོགས་གཅིག་ཏུ་འདུག་པས། དེའི་ཚེ
53a5 ཚིགས་སུ་བཅད་པ་དག་གསོལ་པ། རྫོགས་པའི་སངས་རྒྱས་གྲགས་ལྡན་པ། དེ་དག་མཐོང་བ་རྙེད་པར་དཀའ།། ཨུ་དུམ་འབར་རའི་མེ་ཏོག་བཞིན།། བསྐལ་པ་བྱེ
53a6 བར་རྙེད་པར་དཀའ།། ཤཱག་ཀྱ་སེང་གེའི་མིའི་མཆོག། སྟོན་པ་ཁྱོད་དེ་བཞིན་རྙེད་པར་དཀའ།། གཟུགས་ན་སྤྱོད་པའི་ལྷར་བཅས་ཏེ།། ཐལ་མོ་རབ་སྦྱར་ཁྱོད་ལ་འདུད།
53a7 ལྷ་རྣམས་ཀྱི་དབང་པོ་བརྒྱ་བྱིན་ཕྱོགས་ཅིག་ཏུ་འདུག་པས།། དེའི་ཚེ་ཚིགས་སུ་བཅད་པ་དག་གསོལ་པ།། བདག་གི་ཆོས་མིག་རྣམ་པར་དག། སྙིང་ལ་ཆོས་ཀྱི་སྒྲོན་མ
53a8 འབར།། ངན་སོང་སྒོ་རྣམས་བཅད་ལགས་ཏེ།། བདག་ལ་ངན་འགྲོའི་འཇིགས་མ་མཆིས།། ཨེ་མའོ་སྟོན་པ་ཐུགས་རྗེས་ཅན།། ཕན་པར་བཞེད་པར་ཐུགས་བརྩེ་བ།
iiif viewer powered by OpenSeadragon
