| e-texts navigator |
| Wylie |
47b1 དག་ཡིན་ཏེ། ཡང་དག་པར་ལྟ་བའི་ལས་དང་། ཆོས་ཡང་དག་པར་ལེན་པའི་རྒྱུས། དེའི་རྐྱེན་གྱིས་ལུས་ཞིག་ནས། བདེ་འགྲོ།། མཐོ་རྨིས་ཀྱི་འཇིག་རྟེན་དུ་ལྷ་རྣམས་ཀྱི
47b2 ནང་དུ་སྐྱེ་བར་འགྱུར་རོ།། ཞེས་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏོ།། གནས་འཇོག་གི་རྒྱུད་དག། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི
47b3 སངས་རྒྱས་དག་ནི། སྟོབས་དགུ་པ་དེ་དང་། ལྡན་པ་དག་ཡིན་ཞིང་། ཁྱུ་མཆོག་གིས་གནས་བརླབས་པོ་ཆེ་ཞལ་གྱིས་འཆེ་སྟེ། ཚངས་པའི་འཁོལ་ལོ་རབ་ཏུ་བསྐོར་ཞིང་།
47b4 འཁོར་གྱི་ནང་དུ་ཡང་དག་པར་སེང་གེའི་སྒྲ་སྒྲོགས་པར་མཛད་དོ།། གནས་འཇོག་གི་རྒྱུད་དག། གཞན་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས
47b5 རྣམས་ནི། ཟག་པ་ཟད་ནས། ཟག་པ་མེད་པའི་སེམས་ཅན་རྣམ་པར་གྲོལ་བ། ཤེས་རབ་རྣམ་པར་གྲོལ་བ། མཐོང་བའི་ཆོས་ཉིད་བདག་ཉིད་ཀྱི་མངོན་པར་མཁྱེན་པས།།
47b6 མངོན་དུ་མཛད་དོ།། རྫོགས་པར་མཛད་ནས་རབ་ཏུ་མཁྱེན་ཅིང་། དེད་ཅག་གི་སྐྱེ་བ་འདི་ནི་ཟད་དོ།། ཚངས་པར་སྤྱོད་པ་ནི་སྙན་ཏོ།། མཛད་པ་མཛད་དོ།། འདི་ལས་སྲིད
47b7 པ་གཞན་རབ་ཏུ་མི་མཁྱེན་ཏེ། གནས་འཇོག་གི་རྒྱུད་དག། འདི་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་ཟག་པ
47b8 ཟད་ནས། ཟག་པ་མེད་པའི་སེམས་རྣམ་པར་གྲོལ་བ། ཤེས་རབ་རྣམ་པར་གྲོལ་བ། མཐོང་བའི་ཆོས་ཉིད་ལ་བདག་ཉིད་ཀྱིས་མངོན་པར་མཁྱེན་ནས། མངོན་དུ་མཛད།
iiif viewer powered by OpenSeadragon
