| e-texts navigator |
| Wylie |
26b1 ཤིན་ཏུ་ཕྱག་དར་བྱས་པར་འགྱུར་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་མཆོད་པར་འགྱུར་ཞིང་། ཕྱོགས་དང་ཕྱོགས་མཚམས
26b2 དག་ཏུ་ཡང་བདག་ཅག་གི་དགེ་བ་རྒྱ་ཆེན་པོ་གྲགས་པ་དང་། སྒྲ་དང་ཚིགས་སུ་བཅད་པས། མངོན་པར་འཕགས་པར་འགྱུར་ཏེ། གང་དག་སི་རྡོ་ཆེན་པོ་ཡངས་པ་འདི་ཕྱོགས
26b3 འདི་ནས་བཏེ་ག་ནས། ཕྱོགས་གང་ཡང་རུང་བ་ཞིག་ཏུ་བཞག་པས་ཀྱེ་མ་ཀུ་ཤའི་གྲོང་ཁྱེར་གྱི་གྱང་དག་ནི་དཔའ་བོ་དག་བྱུང་ངོ་།། ཀྱེ་མ་ཀུ་ཤའི་གྲོང་ཁྱེར་གྱི་གྱད་དག་ནི་རྟུལ
26b4 བོད་པ་ཡན་ལག་མཆོག་གིས་གཟུགས་དང་། ལྡན་པ་ཆོས་སྟོབས་དང་ལྡན་པར་དག་བྱུང་བར་གྱུར་ཏོ།། ཞེས་ཟེར་རོ།། སྙམ་ནས། དེ་ལྟར་རྗེས་སུ་རྣམ་པར་བསམས་ཏེ། དམ
26b5 བཅའ་བ་དག་བྱས་སོ།། ཤེས་ལྡན་དག་ཀུན་ཤའི་གྲོང་ཁྱེར་གྱིས་གྱད་དག་གམ། གྱད་ཀྱི་བུ་གཞོན་ནུ་དག་ཉོན་ཅིག། བདག་གི་འདི་བརྩལ་བར་བརྩོན་ནོ།། རྡོ་ཆེན་པོ་ཡངས
26b6 པའི་གནས་མ་ཡིན་པ་ན་འདུག་སྟེ། རྒྱལ་པོའི་ལམ་ན་གནས་པས། གང་འོ་ན་བདག་གི་རྡོ་ཆེན་པོ་ཡངས་པ་འདི་ཕྱོགས་འདི་ནས་གཏེག་ནས་ཕྱོགས་གཅིག་ཤོས་སུ་བཞག
26b7 པར་བྱའོ།། དེའི་ཕྱིར་བདག་ཅག་གིས་ལམ་ཤིན་ཏུ་སྦྱངས་པར་འགྱུར་ཞིང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་མཆོད་པར་འགྱུར
26b8 ལ། ཕྱོགས་དང་ཕྱོགས་མཚམས་སུ་ཡང་བདག་ཅག་གི་དགེ་བ་རྒྱ་ཆེན་པོ་གྲགས་པ་དང་། སྒྲ་དང་ཚིགས་སུ་བཅད་པས་མངོན་པར་འཕགས་པར་འགྱུར་ཏེ། གང
iiif viewer powered by OpenSeadragon
