| e-texts navigator |
| Wylie |
111b1 དུ་སྣང་བའི་རྣམ་པར་རིག་པ་ཡང་མེད་དོ།། ཞེས་སྤྱོད་ན། རྣམ་པར་རྟོག་པ་ལ་སྤྱོད་པའོ།། སྙམ་མོ།། རིགས་ཀྱི་བུ་དག་འདི་ལྟར་བྱང་ཆུབ་སེམས་དཔའ་སེམས་དཔའ
111b2 ཆེན་པོ་ཇི་ལྟར་རྣམ་པ་ཐམས་ཅད་མཁྱེན་པ་ཉིད་མི་དམིགས་པ་དེ་བཞིན་དུ་དེར་སྣང་བའི་རྣམ་པར་རིག་པ་ཡང་མི་དམིགས་མོད་ཀྱི་རྣམ་པར་རིག་པ་ཐམས་ཅད་ཀྱིས་ཐམས་ཅད
111b3 དུ་ཆུད་བཟོན་པ་ནི་མ་ཡིན་ནོ།། རྣམ་པར་རིག་པ་མ་གཏོགས་པར་ཆོས་གང་ཡང་མི་དམིགས་ལ། རྣམ་པར་རིག་པ་དེ་ཡང་དངོས་པོ་མེད་པར་ཡང་དག་པར་རྗེས་སུ་མི་མཐོང
111b4 ངོ། རྣམ་པར་རིག་པ་མ་གཏོགས་པར་དངོན་པོ་མེད་པར་ཡང་དག་པར་རྗེས་སུ་མི་མཐོང་། རྣམ་པ་ཐམས་ཅད་མཁྱེན་པ་ཉིད་དུ་སྣང་བའི་རྣམ་པར་རིག་པ་མེད་པ་དེ
111b5 དང་། རྣམ་པར་རིག་པ་དེ་གཅིག་པར་ཡང་དག་པར་རྗེས་སུ་མི་མཐོང་། ཐ་དད་པར་ཡང་ཡང་དག་པར་རྗེས་སུ་མི་མཐོང་།། རྣམ་པར་རིག་པར་དངོས་པོ་མེད་པ་ལ
111b6 དངོས་པོར་ཡང་ཡང་དག་པར་རྗེས་སུ་མི་མཐོང་། དངོས་པོ་མེད་པར་ཡང་ཡང་དག་པར་རྗེས་སུ་མི་མཐོང་སྟེ། རིག་ཀྱི་བུ་དག་རྣམ་པ་ཐམས་ཅད་མཁྱེན་པའི་རྣམ་པར་རྟོག
111b7 པར་ཐམས་ཅད་ཀྱིས་གང་རྣམ་པར་མ་བརྟགས་པ་དེ། རྣམ་པར་མི་རྟོག་པའི་ཆོས་ཀྱིས་དབྱིངས་སོ་ཞེས་ཀྱང་ཡང་དག་པར་རྗེས་སུ་མི་མཐོང་ངོ་དེ་ལྟར་འདི་ནི་རྣམ་པར
111b8 མི་རྟོག་པའི་དབྱིངས་ལ་འཇུག་པའི་ཚུལ་ཡིན་ཏེ། རིགས་ཀྱི་བུ་དག་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པར་མི་རྟོག་པའི་དབྱིངས་ལ་རབ་ཏུ
iiif viewer powered by OpenSeadragon
