| e-texts navigator |
| Wylie |
333a1 མི་རྟག་པ་ལ་སྡུག་བསྔལ་བའི་འདུ་ཤེས་ཀྱི་བར་དུ་གཅོད་པའི་ཆོས་ནི་དྲུག་གོ།། འདི་ལྟ་སྟེ། ལེ་ལོ་དང་། འགྱོད་པ་དང་།
333a2 ཕལ་བ་དང་། བག་མེད་པ་དང་། མི་བརྩོན་པ་དང་། ཇི་ལྟ་བ་བཞིན་ལ་སོ་སོར་མི་རྟོག་པའོ།། སྡུག་བསྔལ་ལ་བདག་མེད་པའི་འདུ་ཤེས་ཀྱི་བར་དུ་གཅོད་པ་ནི
333a3 བདག་ཏུ་ལྟ་བའོ།། ཟས་ལ་མི་འཕྲོད་པའི་འདུ་ཤེས་ཀྱི་བར་དུ་གཅོད་པ་ནི་རོ་ལ་སྲེད་པའོ།། འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་ཀྱི་བར
333a4 དུ་གཅོད་པ་འཇིག་རྟེན་གྱི་སྣ་ཚོགས་དག་ལ་འདུན་པ་དང་། འདོད་ཆགས་ཀྱི་རྗེས་སུ་ཆགས་པའོ།། སྣང་བའི་འདུ་ཤེས་ཀྱི་བར་དུ་གཅོད་པའི་ཆོས་ནི་བཅུ་གཅིག
333a5 སྟེ། འདི་ལྟ་སྟེ། ཐེ་ཙོམ་དང་ཡིད་ལ་མི་བྱེད་པ་དང་། ལུས་ཀྱི་གནས་ངན་ལེན་དང་། ཧ་ཅང་བརྩོན་འགྲུས་དྲག་པ་དང་། ཧ་ཅང་བརྩོན་འགྲུས་ཞན་པ་དང་། དགའ
333a6 བ་དང་། སྤོབས་པ་མེད་པ་དང་། འདུ་ཤེས་སྣ་ཚོགས་དང་། ཧ་ཅང་སྨྲ་བ་མང་བ་དང་། གཟུགས་རྣམས་ལ་མངོན་པར་རྟོག་པ་ཉིད་དོ།། འདོད་ཆགས་དང་བྲལ
333a7 བའི་འདུ་ཤེས་ཀྱི་བར་དུ་གཅོད་པ་ནི་ཀུན་ཏུ་འདོད་ཆགས་པའོ།། འགོག་པའི་འདུ་ཤེས་ཀྱི་བར་དུ་གཅོད་པ་ནི། ཆོས་ལ་མཚན་མའི་རྗེས་སུ་འབྲང་བའོ།། འཆི་བའི།
333a8 འདུ་ཤེས་ཀྱི་བར་དུ་གཅོད་པ་ནི། གསོན་པ་ལ་མི་མཆུམས་པའོ།། ཚེ་དང་ལྡན་པ་དག་ཆོས་གསུམ་པོ།། གཅེས་བྲས་བྱེད་པ་དང་། བདུན་པོ་སྤོང་བ་དང་།
iiif viewer powered by OpenSeadragon
