| e-texts navigator |
| Wylie |
332b1 འཐོབ་ཅིང་། ཚུལ་བཞིན་དུ་ཡང་ཡིད་ལ་བྱེད་པའོ།། ཚེ་དང་ལྡན་པ་དག་འཕགས་པ་ཉན་ཐོས་དེ་ལྟར་ཡང་དག་པར་ཚུལ་བཞིན་ཡིད་ལ་བྱེད་པའི་བདག་ཉིད་ཀྱིས་འདུ་ཤེས་བཅུ
332b2 པོ་འདི་ལྟ་སྟེ། མི་སྡུག་པའི་འདུ་ཤེས་དང་། མི་རྟག་པའི་འདུ་ཤེས་དང་། མི་རྟག་པ་ལ་སྡུག་བསྔལ་བའི་འདུ་ཤེས་དང་། སྡུག་བསྔལ་བ་ལ་བདག་མེད་པའི་འདུ་ཤེས
332b3 དང་། ཟས་ལ་མི་འཕྲོད་པའི་འདུ་ཤེས་དང་། འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་དང་། སྣང་བའི་འདུ་ཤེས་དང་། འདོད་ཆགས་དང་བྲལ་བ
332b4 འདུ་ཤེས་དང་། འགོག་པའི་འདུ་ཤེས་དང་། འཆི་བའི་འདུ་ཤེས་བསྒོམ་པར་བྱའོ།། ཚེ་དང་ལྡན་པ་ངག་མི་སྡུག་པའི་འདུ་ཤེས་ཀྱི་བར་དུ་གཅོད་པའི་ཆོས་ནི་བཅུ
332b5 བཞི་སྟེ། འདི་ལྟ་སྟེ། བུད་མེད་དང་། ལྡན་གཅིག་གནས་པ་དང་། དྲན་པ་གཡེངས་པས་བུད་མེད་ལ་ལྟ་བ་དང་། བག་མེད་པ་དང་། འདོད་ཆགས་ཤས་ཆེ་བ་ཉིད
332b6 དང་། སྡུག་པའི་མཚན་མའི་རྗེས་སུ་བརྩོན་པ་དང་། མི་གཙང་བ་ལ་སོ་སོར་མི་རྟོག་པ་དང་། ལས་ཀྱི་མཐའ་ལ་ཞུགས་པའི་གང་ཟག་དང་ལྷན་ཅིག་སྦྱོར་བ་དང་།
332b7 དེ་དགའ་མཐུན་པར་བྱེད་པ་དང་། གུས་པར་མི་ཉན་པ་དང་། ཡོངས་སུ་མི་འདྲི་བ་དང་། དབང་པོ་རྣམས་ཀྱི་སྒྲོན་མ་བསྲུང་བ་དང་། ཟས་ཀྱི་ཆོད་མི་རིག་པ་དང་།
332b8 དབེན་པ་ལ་མངོན་པར་མི་དགའ་བ་དང་། ཇི་ལྟ་བ་བཞིན་ལ་སོ་སོར་མི་རྟོག་པའོ།། མི་རྟག་པའི་འདུ་ཤེས་ཀྱི་བར་དུ་གཅོད་པ་ནི་འདུ་ཤེས་ལ་རྗེས་སུ་ཆགས་པའོ།། །
iiif viewer powered by OpenSeadragon
