| e-texts navigator |
| Wylie |
332a1 བ་ལ་ཕུང་པོ་མི་རྟག་པ་ཉིད་དང་། ཕུང་པོ་གསོག་ཉིད་དང་། བྲང་པོ་གསོབ་ཉིད་དང་། ཕུང་པོ་སྙིང་པོ་མེད་པ་ཉིད་དང་། བྲང་པོ་འཇིག་པ
332a2 ཉིད་ལ་སེམས་རབ་ཏུ་འཇུག་ཅིང་དང་བ་དང་། ཡང་དག་པར་གནས་པ་དང་། རྣམ་པར་གྲོལ་བར་འགྱུར་རོ།། མྱ་ངན་ལས་འདས་པ་གཅོར་བྱ་བ་ལ་འཕགས་པའི་བདེན་པ་བཞི
332a3 ཤེས་པར་བྱ་བ་ལ་མིག་རྣམ་པར་དག་པར་འགྱུར་རོ།། མྱ་ངན་ལས་འདས་པ་གཅོར་བྱ་བ་ལ་རྣམ་པར་གྲོལ་བ་ཡོངསུ་རྫོགས་པར་འགྱུར་རོ།། ཚེ་དང་ལྡན་པ་དག་འཕགས་པ་ཉན
332a4 ཐོས་དེ་ལྟར་ཆོས་ཡང་དག་པར་མཉན་ན། སྒྲོགས་པ་ལ་ཡང་མཐོ་མི་འཚམ། ཆོས་ཀྱི་གཏམ་གྱི་རོ་ཡང་མྱོང་བར་འགྱུར། སྟོན་པ་ལ་ཡང་ཆོས་ཉིད་ཀྱིས་རིམ་གྲོ་བྱེད།
332a5 བདག་གི་དོན་ཡང་རྗེས་སུ་འཐོབ། མྱ་ངན་ལས་འདས་པ་ཡང་འཐོབ་པར་འགྱུར་རོ།། ཆོས་འདི་དག་ནི་དེའི་ཤེས་རབ་ཡོངས་སུ་སྨིན་པར་འགྱུར་བ་སྟེ། འདི་ལྟ་སྟེ།
332a6 དགེ་བའི་བཤེས་གཉེན་ལ་བསྟེན་པ་དང་། དགེ་བའི་ངང་ཚུལ་ཉིད་དང་། སེམས་ཤེས་རབ་ཅན་ཉིད་དང་། བཀའ་བློ་བདེ་བ་ཉིད་དང་། གུས་པར་ཉན་པ་དང་། ཡོངས་སུ
332a7 འདྲི་བ་དང་། དམ་པའི་ཆོས་ཉན་པ་དང་། དམ་པའི་ཆོས་རྟག་ཏུ་བྱེད་པ་དང་། སྐྱོ་བར་བྱ་བའི་ཆོས་རྣམས་ལ་སྐྱོ་བ་དང་། དེ་བཞིན་དུ་ཀུན་ཏུ་སྐྱོ་བ་ལ་ཡང་ཚུལ་བཞིན་དུ
332a8 བྱེད་པ་དང་། མི་དགེ་བའི་ཆོས་ཐམས་ཅད་སྤོང་བས། དགེ་བའི་ཆོས་རྣམས་ལ་ཚུལ་བཞིན་དུ་རབ་ཏུ་འཇོག་པ་དང་། དེ་རྣམ་པར་བྱེང་བ་དང་། ཏིང་ངེ་འཛིན་ལ་དབང
iiif viewer powered by OpenSeadragon
