| e-texts navigator |
| Wylie |
330b1 སྩལ་ནས། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། ཚུལ་ཁྲིམས་ཡང་དག་པར་ལྡན་པ་ཞེས་བྱ་བའི་མདོ། རྫོགས་སོ།། ། རྒྱ་གར་གྱི་དགེ་སློང་དྷམ
330b2 པ་ལ་དང་། ལོཙཱ་བ་གནས་བརྟན་ཆེན་པོ་ཡེ་ཤེས་བརྩོན་འགྲུས་ཀྱིས་བསྒྱུར། བཀྲ་ཤིས། ཞུ་དག་གོ། རྒྱ་གར་སྐད་དུ།
330b3 ཨཱརྱ་ཨར་ཐ་བི་སྟ་རོ་ན་མ་དྷརྨ་པརྱ་ཡ། བོད་སྐད་དུ། འཕགས་པ་དོན་རྒྱས་པ་ཞེས་བྱ་བའི་ཆོས་ཀྱི་རྣམ་གྲངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག
330b4 འཚལ་ལོ།། འདི་སྐད་བདག་གིས་ཐོས་པའི་དུས་ཅིག་ན། བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་བྱིན་གྱི་ཀུན་དགའ་ར་བ་ན།
330b5 བཞུགས་སོ།། དེ་ནས་ཚེ་དང་ལྡན་པ་ཤིའིའི་བུས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་ཁྱེད་ལ། ཆོས་ཐོག་མར་དགེ་བ། བར་དུ་དགེ་གཟ་མར་དགེ་བ་དོན་བཟང
330b6 པོ།། ཚིག་བཟང་པོ།། མ་དྲེས་པ། ཡོངས་སུ་རྫོགས་པ། ཡོངས་སུ་བྱང་བ། ཚངས་པར་སྤྱོད་པ་བསྟན་པར་བྱ་སྟེ། འདི་ལྟ་སྟེ། དོན་རྒྱས་པ་ཞེས་བྱ་བའི་ཆོས་ཀྱི་རྣམ
330b7 གྲངས་རབ་ཏུ་བཤད་ཀྱི། དེ་ལེགས་པར་རབ་ཏུ་ཉོན་ལ། ཡིད་ལ་ཟུང་ཤིག་དང་བཤད་དོ།། དོན་རྒྱས་པའི་ཆོས་ཀྱི་རྣམ་གྲངས་གང་ཞེ་ན། ཚེ་དང་ལྡན་པ་དག། དལ་བ
330b8 ཚོགས་པ་བཅུ་གཉིས་པོ་འདི་དག་ནི། འཕགས་པའི་ཆོས་འཐོབ་པར་འགྱུར་བ་སྟེ། འདི་ལྟ་སྟེ། བདག་གིས་འབྱོར་པ་དང་། གཞན་གྱི་འབྱོར་པ་དང་། མི་ཉིད་དང་ཡུལ
iiif viewer powered by OpenSeadragon
