| e-texts navigator |
| Wylie |
327a1 བྱམས་པས་དགྲ་རྣམས་ཞི་བར་བྱེད།། ཚུལ་ཁྲིམས་ཀྱིས་ནི་མཐོ་རིས་ཐོབ།། ཤེས་པས་ཐར་པར་འགྲོ་བར་འགྱུར།། ལྷས་གསོལ་པ།
327a2 རྒྱལ་པོ་དང་ནི་ཆོམ་རྐུན་གྱིས།། ཤིན་ཏུ་བསྒྲིམ་པ་བགྱིས་གྱུར་ཀྱང་།། སྐྱེས་པ་འམ་བུད་མེད་གང་གིའང་རུང་།། དབྲོག་པར་མི་ཚུགས་ཅི་ཞིག་ལགས།། བཅོམ
327a3 ལྡན་འདས་ཀྱིས་བཀའ་སྩལ་པ།། རྒྱལ་པོ་དང་ནི་ཆོམ་རྐུན་གྱིས།། ཤིན་ཏུ་བསྒྲིམ་པར་བྱས་གྱུར་ཀྱང་།། སྐྱེས་པ་འམ་བུད་མེད་གང་གིའང་རུང་།། དབྲོག་པར་མི
327a4 ཚུགས་ཚུལ་ཁྲིམས་སོ།། ལྷས་གསོལ་པ། འཇིག་རྟེན་འདི་ནི་གང་གིས་འཆིང་།། གང་གིས་འཇིག་རྟེན་རྣམ་པར་གྲོལ།། གང་ཞིག་རྣམ་པར་སྤངས་པས་ན།། མྱ་ངན
327a5 འདས་ཤེས་བགྱི་བར་འགྱུར།། བཅོམ་ལྡན་འདས་ཀྱིས་བཀའ་སྩལ་པ། འདོད་པས་འཇིག་རྟེན་འཆིང་བར་བྱེད།། འདོད་པ་མེད་པ་རྣམ་པར་གྲོལ།། སྲིད་པ་རྣམ་པ
327a6 སྤངས་པས་ན།། མྱ་ངན་འདས་ཞེས་བརྗོད་པ་ཡིན།། ལྷས་གསོལ་པ། རླུང་དམར་གྱིས་ཀྱང་མི་ཤིགས་ཤིང་།། ཞུགས་ཀྱིས་མི་ཚིག་དེ་ཅི་ལགས།། དོག་ས་བལྟས
327a7 པར་བགྱིད་པའི།། ཆབ་ཀྱི་མི་འདྲུལ་གང་ཞིག་ལགས།། བཅོམ་ལྡན་འདས་ཀྱིས་བཀའ་སྩལ་པ།། རླུང་དམར་གྱིས་ཀྱང་མི་ཤིགས་ཤིང་།། མེས་ཀྱང་མི་ཚིག་བསོད
327a8 ནམས་ཡིན།། ས་རྣམས་ཁྱབ་པར་བྱེད་པའི།། ཆུས་ཀྱང་མི་འདྲུལ་བསོད་ནམས་སོ།། ལྷས་གསོལ་པ། སུ་ཞིག་ཤིན་དུ་བསླུས་གྱུར་ནས།། འཇིག་རྟེན་འདི་ནས
iiif viewer powered by OpenSeadragon
