| e-texts navigator |
| Wylie |
326b1 དེ་གང་ལགས། བསམ་པ་སྡང་བའི་དགྲ་གང་ལགས།། སྡུག་བསྔལ་མི་ཟད་དེ་གང་ལགས།། མཆོག་ཏུ་བདེ་བ་དེ་གང་ལགས། བཅོམ་ལྡན་འདས་ཀྱིས་བཀའ་སྩལ་པ།
326b2 རྩ་ལག་མཉེས་གཤིན་བསོད་ནམས་ཡིན།། སྡིག་པ་བསམ་པ་སྡང་བའི་དགྲ། དམྱལ་བའི་སྡུག་བསྔལ་མི་ཟད་པ།། ཕུང་པོ་མེད་པ་བདེ་བའི་མཆོག། ལྷས་གསོལ་པ།།
326b3 སྡུག་ལ་མི་ཕན་དེ་གང་ལགས།། ཕན་ཡང་མི་སྡུག་གང་ཞིག་ལགས།། གནོད་པ་བགྱིད་པའི་ནད་གང་ལགས།། སྨན་པ་མཆོག་ཅིག་དེ་གང་ལགས།། བཅོམ་ལྡན་འདས
326b4 ཀྱིས་བཀའ་སྩལ་པ།། འདོད་པ་སྡུག་ཀྱང་མི་ཕན་པ།། ཐར་པ་ཕན་ལ་མི་སྡུག་པ།། འདོད་ཆགས་གནོད་པ་བྱེད་པའི་ནད།། སྨན་པ་མཆོག་ཅིག་སངས་རྒྱས་ཡིན།།
326b5 ལྷས་གསོལ་པ། གང་གིས་འཇིག་རྟེན་འདི་སྒྲིབས་ལགས།། གང་གིས་འཇིག་རྟེན་དབང་དུ་བགྱིས།། གང་གིས་མཛའ་བཤེས་འབྱེད་པར་བགྱིད།། གང་གིས་མཐོ་རིས
326b6 མཆིས་མི་འགྱུར།། བཅོམ་ལྡན་འདས་ཀྱིས་བཀའ་སྩལ་པ།། མི་ཤེས་པས་ནི་འཇིག་རྟེན་བསྒྲིབས།། གཏི་མུག་གིས་ནི་དབང་དུ་བྱས།། ཞེས་པས་འཛའ་བཤེས
326b7 འབྱེད་པར་བྱེད།། ཆགས་པས་མཐོ་རིས་འགྲོ་མི་འགྱུར།། ལྷས་གསོལ་པ། གང་གིས་འཛའ་བཤེས་འཕེལ་བར་འགྱུར།། གང་གིས་དགྲ་རྣམས་ཞི་བར་འགྱུར།།
326b8 གང་གིས་མཐོ་རིས་ཐོབ་པར་བགྱིད།། གང་གི་ཐར་པ་མཆིས་པར་འགྱུར།། བཅོམ་ལྡན་འདས་ཀྱིས་བཀའ་སྩལ་པ།། གཏོང་བས་འཛའ་བཤེས་འཕེལ་བར་འགྱུར།
iiif viewer powered by OpenSeadragon
