| e-texts navigator |
| Wylie |
326a1 @#འདས་ཀྱིས་བཀའ་སྩལ་པ།། ཚིག་གདུག་མཚོན་མ་རྣོན་པོ་ཡིན།། འདོད་ཆགས་གལ་ག་ལའི་དུག། ཞེ་སྡང་རབ་ཏུ་འབར་བའི་མེ།
326a2 མུན་པ་རབ་གནག་མ་རིག་པ།། ལྷ་ཡིས་གསོལ་པ། མི་ཡིས་ཟིན་པ་དེ་གང་ལགས།། གང་འདིར་བོར་བ་དེ་གང་ལགས།། མི་ཤིགས་གོ་ཆ་ཅི་ཞིག་ལགས། འདི་ན
326a3 མཚོན་དུ་ཅི་རྣོ་ལགས། བཅོམ་ལྡན་འདས་ཀྱིས་བཀའ་སྩལ་པ། བདག་གིས་གང་བྱིན་ཟིན་པ་ཡིན། ཁྱིམ་དུ་གང་བཞག་འདིར་བོར་ཡིན།། མི་ཤིགས་གོ་ཆ་བཟོད་པ་ཡིན།།
326a4 འདི་ན་མཚོན་དུ་ཤོས་རབ་རྣོ།། ལྷས་གསོལ་པ། ཆོམ་རྐུན་ཞེས་བགྱིད་དེ་གང་ལགས།། དམ་པ་རྣམས་ཀྱི་ནོར་གང་ལགས།། ལྷ་དང་བཅས་པའི་འཇིག་རྟེན་ལ།།
326a5 བསླུས་ཞེས་བགྱི་བ་དེ་གང་ལགས།། བཅོམ་ལྡན་འདས་ཀྱིས་བཀའ་སྩལ་པ།། རྣམ་རྟོག་ཆོམ་རྐུན་མཁས་པ་ཡིན།། ཚུལ་ཁྲིམས་དམ་པ་རྣམས་ཀྱི་ནོར།། གང་དག
326a6 ཚུལ་ཁྲིམས་ལོག་ལྟུང་བྱས།། དེ་དག་འཇིག་རྟེན་བསླུས་པ་ཡིས།། ལྷས་གསོལ་པ། བདེ་ཞེས་བགྱི་བ་དེ་གང་ལགས།། དབང་ཕྱུག་དམ་པ་དེ་གང་ལགས།། རྟག་ཏུ
326a7 རྣམ་པར་བརྒྱན་པ་གང་།། ཐོ་བཙམས་གང་ལགས་བཀའ་སྩལ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། འདོད་ཆུང་བདེ་བར་ཤེས་པར་བྱ།། ཆོག
326a8 ཤེས་དབང་ཕྱུག་དམ་པ་ཡིན།། ཁྲིམས་ལྡན་རྟག་ཏུ་རྣམ་པར་བརྒྱན།། ཚུལ་ཁྲིམས་ཉམས་པ་ཐོ་བཙམས་ཡིན། ལྷ་ཡིས་གསོལ་པ། རྩ་ལག་མཉེས་གཤེར
iiif viewer powered by OpenSeadragon
