| e-texts navigator |
| Wylie |
222a1 རྗེས་སུ་ཡིད་རང་ནས། བཅོམ་ལྡན་འདས་ལ་ཚིག་སུ་གཅད་དེ་གསོལ་པ།། ཇི་ལྟར་མི
222a2 མཆོག་དམ་པ་པོ།། ཡོན་ཏན་རྒྱ་མཚོ་འཐའ་ཡས་པས།། སྔོན་ནི་སྤྱོད་པ་ཤིན་དུ་བསླབས།། དེ་ལྟར་བདག་ཀྱང་རྗེས་སུ་སློབ།། ཡོན་ཏན་མཐར་ཕྱིན་ཁྱོད
222a3 ཀྱི་ནི།། ཡོན་ཏན་རྣམས་ལྟར་བདག་སློབ་སྟེ།། སྲིད་པར་སྡུག་བསྔལ་སྤངས་ནས་ནི།། བདག་ཀྱང་འདི་འདྲར་འགྱུར་བར་བགྱི།། ཚེ་རབས་གཞན་ནི་མ་ལུས
222a4 པར།། བདག་གིས་སྦྱིན་པ་གང་སྩལ་པ།། མཉམ་མེད་ཡེ་ཤེས་ཐོབ་སླད་དུ།། དེ་དག་ཐམས་ཅད་ཡོངས་སུ་བསྔོ།། སྲིད་པ་འདིའམ་གཞན་དག་དུ།། བདག
222a5 གིས་ཚུལ་ཁྲིམས་གང་བསྲངས་པ།། སངས་རྒྱས་ཡེ་ཤེས་ཐོབ་སླད་དུ།། དེ་དག་ཐམས་ཅད་ཡོངས་སུ་བསྔོ།། བཟེད་དང་བརྩོན་འགྲུས་ཏིང་འཛིན་དང་།། ཤེས
222a6 རབ་དགེ་བ་གང་བསྟེན་པ།། སངས་རྒྱས་ཆོས་ཀྱི་དོན་གྱི་ཕྱིར།། དེ་དག་ཐམས་ཅད་བདག་གིས་བསྔོ།། ལུས་དང་ངག་དང་ཡིད་རྣམས་ཀྱིས།། ལས་དགེ
222a7 གང་དག་བདག་གིས་བསྔགས།། སངས་རྒྱས་ཡེ་ཤེས་ཡོན་ཏན་ཕྱིར།། བྱང་ཆུབ་ཏུ་ནི་བདག་གིས་བསྔོ།། བུད་མེད་ལུས་འདི་སྤངས་ནས་ནི།། སྐྱེས་པ་མཆོག
222a8 དུ་བདག་གྱུར་ཅིག། དེ་ལྟར་སྐྱེས་པའི་ལུས་ཐོབ་ནས།། དམ་པའི་མཆོག་དུ་བདག་གྱུར་ཅིག། དེ་ལྟར་གྱུར་ནས་བདེ་གཤེགས་ཀྱིས།། འཁོར་བླ་མེད་བསྐོར
iiif viewer powered by OpenSeadragon
