| e-texts navigator |
| Wylie |
100b1 བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་རབ་ཏུ་བྱུང་རབ་ཏུ་བྱུང་བ་ཞེས་བགྱི་ན། བཅོམ་ལྡན་འདས་ཇི་ཙམ་བགྱིས་ན་ལེགས
100b2 པར་གསུངས་པའི་ཆོས་འདུལ་བ་དགེ་སློང་རབ་ཏུ་བྱུང་བ་འཕགས་པ་འཇིག་རྟེན་ལས་འདས་པའི་རྫོགས་པར་སྤེན་པ་ལགས། བཅོམ་ལྡན་འདས་ཀྱི་བཀའ་སྩལ་པ།
100b3 ཤ་རིའི་བུ་སོ་སོའི་སྐྱེ་བོའི་ཆོས་རྣམས་ལས་ཀྱང་འདས་ལ་ཟག་པ་མེད་པའི་ཆོས་རྣམས་ཀྱང་མ་ཐོབ་པ་དེ་ཙམ་གྱིས་ན། དགེ་སློང་ལེགས་པར་གསུངས་པའི་ཆོས
100b4 འདུལ་བ་ལ་རབ་ཏུ་བྱུང་བ། འཕགས་པ་འཇིག་རྟེན་ལས་འདས་པའི་རྫོགས་པར་སྙེན་པ་ཡིན་ཏེ། དེ་ལྟར་རབ་ཏུ་བྱུང་བ་གང་དག་ཡིན་པ་དེ་དག་ནི་ཡང་དག་པར
100b5 རབ་ཏུ་བྱུང་བ་ཡིན་གྱི། དེ་ལྟ་མ་ཡིན་པར་རབ་ཏུ་བྱུང་བ་གང་དག་ཡིན་པ་དེ་དག་ནི། ལོག་པར་རབ་ཏུ་བྱུང་བ་ཡིན་ནོ།། ཤ་རིའི་བུ་དགེ་སློང་དེ་ལྟ་བུས་ནི་དད་པས
100b6 བྱིན་པ་ལོངས་སྤྱོད་པར་འོས། གོས་དང་། ཟས་དང་། མལ་ཆ་དང་། སྟན་དང་། ན་བའི་གསོས་དང་། སྨན་ཟོང་རྣམས་ལོང་སྤྱོད་པར་འོས་སོ།། ཤ་རིའི་བུ་གཞན
100b7 ཡང་བཅོམ་ལྡན་འདས་བརྩོན་པ་མི་གཏོང་བའི་དགེ་སློང་གང་ཡིན་པ་དེ་ནི། གཟུགས་གཏོང་བར་མི་བྱེད། ཚོར་བ་དང་། འདུ་ཤེས་དང་། འདུ་བྱེད་རྣམས་དང་།
100b8 རྣམ་པར་ཤེས་པ་གཏོང་བར་མི་བྱེད་དེ། དེ་ཙམ་གྱིས་ན་དགེ་སློང་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ། འཕགས་པའི་འཇིག་རྟེན་ལས་འདས
iiif viewer powered by OpenSeadragon
