| e-texts navigator |
| Wylie |
7b1 བྱང་ཆུབ་སེམས་དཔའ་ནི་སེམས་ཅན་དེ་དག་གི། སེམས་ཀྱི་སྤྱོད་པ་རྣམ་པ་ཚོགས་གང་ཡིན་པ་ཡང་དག་པ་ཇི་ལྟ་བ་བཞིན་དུ། རབ་ཏུ་ཤེས་པས་སེམས་ཅན་དེ་དག་གང་ལ་མོས་ཤིང་འདུན།
7b2 དང་། སྤྱོད་ཡུལ་གང་ལ་ཆགས་ཤིང་། གོམས་པས་མཐུ་ཅན་དུ་གྱུར་པ་དང་། དད་པ་ཇི་ལྟ་བུ་དང་ཞིང་ཕུན་སུམ་ཚོགས་པར་གྱུར་པ་དང་། སྔོན་དགེ་བའི་རྩ་བ་ཇི་ལྟ་བུ་བསྐྱེད་པ་དང་།
7b3 ཐེག་པ་གོང་ལ་གཞོལ་བར་བྱེད་པ་དང་། དགེ་བའི་རྩ་བ་ཇི་སྙེད་ཡོད་པ་དང་། ནམ་ཞིག་ན་ཡོངས་སུ་སྨིན་པར་འགྱུར་བ་ཡང་རབ་ཏུ་ཤེས་ཏེ། བྱང་ཆུབ་སེམས་དཔའ་ནི་སེམས་ཅན་དེ་དག
7b4 གི་འདོད་པ་ཐམས་ཅད་ཡོངས་སུ་སྤང་བའི་ཕྱིར་དང་། དེ་དག་གི་དགེ་བའི་སེམས་རྟག་པར་རྒྱུན་མི་འཆད་པར་བྱ་བའི་ཕྱིར་ཤིན་ཏུ་ལགས་པར་བརྟགས་ནས། ཡོངས་སུ་གོས་པར་བྱེད་དོ།། །
7b5 གློ་ག་ཐོབ་སེམས་ཅན་རྣམས་ཀྱི་དབང་པོ་དང་། སྤྱོད་པའི་བྱེ་བྲག་ནི་ཤིན་ཏུ་ཤེས་པར་དཀའ་བར་རིག་པར་བྱ་སྟེ། ཉན་ཐོས་དང་། རང་སངས་རྒྱས་ཐམས་ཅད་ཀྱིས་ཀྱང་། རིག་པར
7b6 མི་ནུས་ན། སོ་སོའི་སྐྱེ་བོ་དང་མུ་སྟེགས་ཅན་རྣམས་ལྟ་སྨོས་ཀྱང་ཅི་དགོས། གློག་ཐོབ་སེམས་ཅན་ཁ་ཅིག་ནི་འདོད་པ་རྣམས་ལ་མངོན་པར་ཞེན་པར་གྱུར་ཀྱང་། བླ་ན་མེད་པ
7b7 ཡང་དག་པར་རྫོགས་པའི་བྱང་ཆུབ་ཡོངས་སུ་སྨིན་པར་བྱེད་དོ།། སེམས་ཅན་ཁ་ཅིག་ནི་འདོད་པའི་ཡུལ་ལ་རེག་པ་ཙམ་འམ། འདོད་པའི་སེམས་ཀྱིས་ཚིག་སྨྲ་པ་ཙམ་གྱིས།།
7b8 བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡོངས་སུ་སྨིན་པར་བྱེད་པ་ཡང་ཡོད་དོ།། སེམས་ཅན་ཁ་ཅིག་ནི་གཟུགས་སྡུ་གུ་དག་མཐོང་ནས། འདོད་ཆགས
iiif viewer powered by OpenSeadragon
