| e-texts navigator |
| Wylie |
7a1 གློག་ཐོབ་ཤིན་ཏུ་ལེགས་པར་ཉོན་ལ་ཡིད་ལ་ཟུང་ཤིག་དང་། ཁྱོད་ལ་ཡང་དག་པར་བསྟན་པར་བྱའོ།། བྱང་ཆུབ་སེམས་དཔའ་གློག་ཐོབ་ཀྱིས། བཅོམ
7a2 ལྡན་འདས་དེ་བཞིན་དུ་ཐོས་པར་འཚལ་ལོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གློག་ཐོབ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་གཏེར་ཆེན་པོ་ཟད་མི
7a3 ཤེས་པའི་གཏེར་དང་། ཀུན་ཏུ་ཟད་མི་ཤེས་པའི་གཏེར་དང་། མཐའ་མེད་པའི་གཏེར་རྣམ་པ་ལྔ་དང་ལྡན་ཏེ། བྱང་ཆུབ་སེམས་དཔའ་དེ་ལྟ་བུའི་གཏེར་ཕུན་སུམ་ཚོགས་པར་གྱུར་པས།
7a4 དགུད་པ་རྣམས་གཏན་དུ་སྤོང་ཞིང་། གོང་དུ་བསྟན་པ་ལྟ་བུའི་ཡོན་ཏན་ཁྱད་པར་དུ་འཕགས་པ་ཡང་ཡོངས་སུ་རྫོགས་པར་བྱེད་ལ། ཚེགས་ཆུང་ངུས་མྱུར་ཏུ་བླ་ན་མེད་པ་ཡང་དག་པར་རྫོགས་པའི
7a5 བྱང་ཆུབ་ཀྱང་ཐོབ་པར་འགྱུར་རོ།། \ུ0f7fརྞྞ་དྷརྩྩ91། ལྔ་གང་ཞེ་ན་འདི་ལྟ་སྟེ། འདོད་ཆགས་སྤྱོད་པའི་གཏེར་དང་། ཞེ་སྡང་སྤྱོད་པའི་གཏེར་དང་། གཏི་མུག་སྤྱོད་པའི་གཏེར་དང་། ཆ་མཉམ།
7a6 པར་སྤྱོད་པའི་གཏེར་དང་། ཆོས་ཐམས་ཅད་ཀྱི་གཏེར་གང་ཡིན་པའོ།། གློག་ཐོབ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་འདོད་ཆགས་སྤྱོད་པའི་གཏེར་ཞེས་བྱ་བ་ཇི་ལྟ་བུ
7a7 ཡིན་ཞེ་ན། འདི་ལྟ་སྟེ་སེམས་ཅན་རྣམས་ནི་འདོད་ཆགས་ཀྱི་སྤྱོད་པའི་རྗེས་སུ་མཐུན་ཞིང་། ཕྱིན་ཅི་ལོག་གིས་བཅིངས་པས། མཚན་མ་རྣམས་ཀྱི་རྗེས་སུ་གཟུགས་དང་། སྒྲ་དང་། དྲི་དང་། རོ་དང་།
7a8 རེག་བྱ་དང་། ཆོས་ལ་སོགས་པའི་ཡུལ་དག་ལ། རྣམ་པ་སྣ་ཚོགས་སུ་རྣམ་པར་བརྟགས་ནས། བརྟན་པ་ཉིད་དུ་མངོན་པར་ཞེན་པ་དང་། བདེ་བ་ལ་ཆགས་ཤིང་མོས་པར་འགྱུར་བ་ཡིན་ལ།
iiif viewer powered by OpenSeadragon
