| e-texts navigator |
| Wylie |
31a1 བར་དུ་མཆོད་བྱས་ཏེ།། བསྟན་པ་ལ་ནི་རབ་ཏུ་བྱུང་།། དེ་ཀུན་གྱིས་ནི་ཏིང་འཛིན་ཐོབ།། ཟད་མི་ཤེས་པའི་གཟུངས་ཀྱང་ཐོབ།། སེམས།
31a2 ཅན་རྣམས་ཀྱི་དོན་བྱེད་དེ།། སངས་རྒྱས་ཆོས་ལ་འཛུད་པར་བྱེད།། ཆོས་ཀྱི་རྣམ་གྲངས་འདི་བསྟན་པ་ན། སེམས་ཅན་བྱེ་བ་ཕྲག་བརྒྱད་ཅུ་བྱང་ཆུབ་མཆོག་ལ་ཞུགས་སོ།།
31a3 བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །། འཕགས་པ་དཀོན་མཆོག་བརྩེགས
31a4 པ་ཆེན་པོའི་ཆོས་ཀྱི་རྣམ་གྲངས་ལེའུ་སྟོང་ཕྲག་བརྒྱ་པ་ལས། སེང་གེའི་ཞུས་པའི་ལེའུ་ཞེས་བྱ་སྟེ།། ། འདུས་པ་སུམ་ཅུ་རྩ་བདུན་པ་རྫོགས་སྷོ།།
31a5 ། རྒྱ་གར་སྐད་དུ། ཨཱ་ར་སརྦ་བུད་དྷ་ར་ཧ་སྱོ་བ་ཡ་ཀོའུ་ཤ་ལྱ། ད་ཉ་ནོད་ཏ་ར་བོ་དྷི་ས་ཏ་པ་རི་ཕྲིད་ཙ། པ་རི་བ་རྟོ་ན་མ་མ་ཧ་ཡ་ན་སུ་ཏྲ།
31a6 བོད་སྐད་དུ། འཕགས་པ་དཀོན་མཆོག་བརྩེགས་པོ་ཆེན་པོའི་ཆོས་ཀྱི་རྣམ་གྲངས་ལེའུ་སྟོང་ཕྲག་བརྒྱ་པ་ལས། སངས་རྒྱས་ཐམས་ཅད་ཀྱི་གསང་ཆེན་ཐབས་ལ་མཁས་པ།
31a7 བྱང་ཆུབ་སེམས་དཔའ་ཡེ་ཤེས་དམ་པས་ཞུས་པའི་ལེའུ་ཞེས་བྱ་བ་ཐེག་པ་ཆེན་པོའི་མདོ།། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི།
31a8 སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མོད་ཟས་སྦྱིན་གྱི་ཀུན་དགའ་ར་བ་ན། སློབ་པ་དང་མི་སློབ་པའི
iiif viewer powered by OpenSeadragon
