| e-texts navigator |
| Wylie |
30b1 ང་ཡིས་ཡོངས་སུ་སྨིན་པར་བྱས།། སྣང་བ་ཆེ་ཞེས་བྱ་བའི།། བསྐལ་པ་ཆེན་པོར་འབྱུང་འགྱུར་ཏེ།། དེ་དག་བསྐལ་པ་གཅིག་དེ་ལ།། རྣམ་པར་འདྲེན་པར
30b2 འགྱུར་བ་སྟེ།། ཡེ་ཤེས་ཏོག་གི་རྒྱལ་མཚན་ཞེས།། འཇིག་རྟེན་འདྲེན་པ་རྣམས་སུ་འགྱུར།། འོད་དཔག་མེད་ཀྱི་བཀོད་པ་ལྟར།། དེ་དག་གི་ཡང་དེ་འདྲར་འགྱུར།། །
30b3 བྱིས་པ་ནས་ནི་བཟུང་ནས་སུ།། བསྐལ་པ་སུམ་བརྒྱ་ཚང་བར་ནི།། དེའི་བར་དུ་དུས་ཀུན་ཏུ།། རྟག་ཏུ་སངས་རྒྱས་ཕྲད་པར་འགྱུར།། འདི་དག་བྱང་ཆུབ
30b4 ཐོབ་པ་ཡི།། མིང་ནི་གང་སུས་ཐོབ་པ་རྣམས།། དེ་དག་ཐམས་ཅད་འཇིག་རྟེན་ཀུན།། ཀུན་མཁྱེན་གང་ཟག་མཚུངས་མེད་འགྱུར།། གང་ཞིག་ལུ་བསྟན
30b5 འདི་ཐོས་ནས།། མོས་པ་བསྐྱེད་པར་བྱེད་པ་ནི།། འཇིག་རྟེན་གསུམ་པོ་འདི་དག་ན།། དེ་དང་མཚུངས་པའི་བསོད་ནམས་མེད།། གང་གིས་བསྐལ་པ་དྲུག་སྟོང་དུ།། །
30b6 སངས་རྒྱས་ཞིང་རྣམས་ཐམས་ཅད་དུ།། རིན་ཆེན་རྣམས་ཀྱིས་བཀང་བྱས་ནས།། བྱང་ཆུབ་ཕྱིར་འདིར་བྱིན་པ་བས།། གང་གིས་ཆོས་ཀྱི་རྣམ་གྲངས་འདི།། ཐོས་ནས
30b7 བྱང་ཆུབ་ཕྱིར་འཇུག་ན།། སྔར་སྨོས་པའི་བསོད་ནམས་ཀྱིས།། གྲངས་དང་ཆར་ཡང་མི་ཕོད་དོ།། ཆོས་འདི་བཤད་པའི་ཚེ་ན་ནི།། འཇིག་རྟེན་མགོན་པོའི་མཐུ་ཡིས་ནི།
30b8 ལྷ་རྣམས་མེ་ཏོག་ཆར་པ་འབེབས།། སྟོང་གསུམ་པོ་ཡང་གཡོས་པར་འགྱུར།། སེང་གེ་གྲོགས་དང་བཅས་པ་ཡིས།། མངོན་པར་ཤེས་པ་ལྔ་ཐོབ་ནས།། ཉིན་བདུན
iiif viewer powered by OpenSeadragon
