| e-texts navigator |
| Wylie |
29b1 པས་རྫུ་འཕྲུལ་ཐོབ།། དྲན་བསྒོམས་པས་རྗེས་སུ་དྲན།། མཐའ་གཉིས་རབ་ཏུ་སྤངས་བྱས་ན།། ཟག་བླུད་པར་རེག་པར་འགྱུར།། གང་གིས་ཞིང་ནི་ཕུན་སུམ་ཚོགས།།
29b2 ཅིས་ན་དགེ་འདུན་ཕུན་སུམ་ཚོགས།། གང་གིས་ཕུན་སུམ་ཚོགས་འོད་འགྱུར།། གང་གིས་ཕྱོགས་བཅུར་ལྷ་དེར་གདའ།། སྨོན་ལམ་གྱིས་ནི་ཕུན་སུམ་ཞིང་།། བསྡུ
29b3 བས་དགེ་འདུན་ཕུན་ཚོགས།། འདིར་ནི་རིན་ཆེན་གདུགས་ཕུལ་བས།། ཕྱོགས་བཅུར་ལྷང་ངེར་སྣང་བར་འགྱུར།། ཆོས་རྣམས་ཐམས་ཅད་བསྡུ་བ་ནི།། ཆོས་གང
29b4 གིས་ནི་ཐོབ་པར་འགྱུར།། གང་དང་གང་དུ་སྐྱེས་པ་དེར།། བྱང་ཆུབ་སེམས་དཔའ་དགའ་བ་ཐོབ།། སེམས་ཅན་ཐམས་ཅད་ཐར་བྱ་ཡི་ཕྱིར།། བྱང་ཆུབ་དོན་ཏུ་སེམས
29b5 བཏུད་པ།། དེས་ན་ཆོས་རྣམས་བསྡུ་བ་འང་ཐོབ།། དེས་ནི་དགའ་བ་འང་ཐོབ་པར་འགྱུར།། བསླབ་པ་ཅི་འདྲ་བསླབས་པ་དང་།། སེམས་ནི་ཅི་འདྲ་བསྒོམས་པ་ཡི།། །
29b6 ཐུབ་པ་ཆེན་པོ་ཁྱོད་འདྲ་བའི།། སྟོན་པ་ཐམས་ཅད་མཁྱེན་པར་འགྱུར།། སེམས་ཅན་མ་ལུས་ཐམས་ཅད་ལ།། མཉམ་པའི་སེམས་ཉིད་བསྲབས་པ་དང་།། མཉམ
29b7 པར་སེམས་ནི་བསྒོམས་པས་ན།། ཐམས་ཅད་ཟིལ་གནོན་རྒྱལ་བར་འགྱུར།། སྐྱེ་བ་ཀུན་ཏུ་བྱང་ཆུབ་སེམས།། རྨི་ལམ་ན་ཡང་སེམས་དེ་ནི།། འདོར་མི་འགྱུར་ན
29b8 མ་ཉལ་ཚེ།། སྤོས་ཅི་འཚལ་བར་གང་གིས་འགྱུར།། གྲོང་དང་གྲོང་ཁྱེར་རྣམས་སུའམ།། གང་དུ་གནས་པའི་ཡུལ་རྣམས་སུ།། བྱང་ཆུབ་ལ་ནི་ཡང་དག་འཛུད།
iiif viewer powered by OpenSeadragon
