| e-texts navigator |
| Wylie |
28a1 ཡིས་གདུགས་དེ་དག། ཚང་བར་ཐུབ་པ་ཆེ་ལ་ཕུལ།། ཀུན་ཀྱང་བྱང་ཆུབ་དོན་ཏུ་ཞགས།། རྫོགས་སངས་རྒྱས་ཀྱི་མཐུ་ཡིས་ནི།། དེ་དག་མི
28a2 འཇིགས་སྐྱེས་གྱུར་ནས།། སེང་གེས་ཐལ་མོ་སྦར་བྱས་ཏེ།། རྫོགས་སངས་རྒྱས་ལ་ཞུས་པ་ནི།། བྱང་ཆུབ་སེམས་དཔའི་སྤྱོད་པ་གང་།། དེ་ནི་འདྲེན་པས་བདག་ལ་གསུངས།།
28a3 གང་གིས་མཛེས་པར་འགྱུར་བ་ལགས།། གང་གིས་བརྫུས་ཏེ་སྐྱེ་བར་འགྱུར།། སྐྱེ་བ་དྲན་པར་ཇི་ལྟར་འགྱུར།། ཐུབ་པ་ཆེན་པོས་ལུང་བསྟན་གསོལ།། དེ་དག་ལྷག་བསམ་ཡེ
28a4 ཤེས་ཀྱིས།། མཁྱེན་ནས་སངས་རྒྱས་ལུང་བསྟན་པ།། བྱང་ཆུབ་སེམས་དཔའི་སྤྱོད་གང་ཞེས།། ཁྱོད་ཀྱིས་དྲིས་པ་དེ་བསྟན་ཏོ།། བཟོད་པ་ཡིས་ནི་མཛེས་པར་འགྱུར།།
28a5 ཚངས་པར་སྤྱོད་པས་བརྫུས་ཏེ་སྐྱེས།། ཆོས་ཀྱི་སྦྱིན་པས་སྐྱེ་བ་དྲན།། གཞོན་ནུ་དེ་ལྟར་ཤེས་པར་གྱིས།། གང་གིས་སུམ་བཅུ་རྩ་གཉིས་མཚན།། དཔེ་བྱད་བཟང་པོ་བརྒྱ་ཅུ
28a6 དང་གསེར་མདོག་འདྲ་བའི་ལུས་འགྱུར་ཞིང་།། དེ་མཐོང་སེམས་ཅན་དགའ་བར་འགྱུར།། སྦྱིན་པ་ཀུན་གྱིས་མཚན་དུ་འགྱུར།། བྱམས་པས་དེ་བཞིན་དཔེ་བྱད་བཟང་།།
28a7 སེམས་ཅན་ཀུན་ལ་སེམས་མཉམ་པས།། རྒྱལ་བ་གསེར་གྱི་མདོག་འདྲར་འགྱུར།། གཟུངས་ནི་གང་གིས་ཐོབ་པར་འགྱུར།། གང་གིས་ཏིང་འཛིན་སྐྱེ་འགྱུར་ལགས།། གཟུང
28a8 པའི་ཚིག་ཏུ་གང་གིས་འགྱུར།། ཐུབ་པ་ཆེན་པོས་བསྟན་དུ་གསོལ།། ཆོས་ལ་བཟོད་པས་གཟུངས་རྣམས་ཐོབ།། སེམས་བསྒོམས་པས་ནི་ཏིང་འཛིན་སྐྱེ།། གཟུང་བའི་ཚིག
iiif viewer powered by OpenSeadragon
